Цæгат Ирыстоны информацион технологиты управлени æмæ архивон службæ бакусдзысты иумæйаг проекттыл

Цæгат Ирыстон кæддæриддæр уыд сæрæстыр æмæ хъæздыг йæ истори æмæ ивгъуыд хабæрттæй. Нæ историйы бирæ цаутæ æмæ хабæрттæ сты фыст документалон хуызы, уыцы гæххæттæ ис ссарæн архивон æвæрæнты. Фæлæ уырдæм алкæй къух нæ хæццæ кæны, бынтон æнцон нæ вæййы хъæугæ æрмæг ссарын. Уымæ гæсгæ республикæйы информацион технологитæ æмæ бастдзинады управлени архивон службæимæ бакусдзысты иумæйаг проекттыл.

Историон æрмæджытæ нымæцон хуызмæ раивын. Ныртæккæ ууыл архайныц республикæйы информацион технологитæ æмæ бастдзинады управлени. Ацы хъуыддаджы сæйрагдæр у ивгъуыд цауты æвдисæнтæ фидæны фæлтæрæн бахъахъхъæнын.

Цæгат Ирыстоны ма тагъд рæстæг ацæудзæн Хуссар æмæ Цæгат Федералон Зылдты методикон иртасæн советы æмбырд. Мадзалы сæйраг нысан иумæйагæй архивон документтæ раитасын æмæ сæ нымæцон хуызмæ ракæнын. Фидæны ахсджиагдæр хъуыддæгтæй иу Фыдыбæстæйы Стыр хæсты Уæлахизы бонмæ комитеты куст.

Æнтыстджын æмæ пайдахæссæг куысты тыххæй æмбырды кæрон Цæгат Ирыстоны архивон службæ информацион технологитæ æмæ бастдзинады управленийы разамонæг Сæлбиты Аланы схорзæхджын кодтой зæрдыллæууæн майданæй.

Нымæцон технологитæ архивон куыстыл хуыздæры 'рдæм кæй сахатдзысты, ууыл дызæрдыг нæ кæны республикæйы архивон службæйы разамонæг Тебиаты Еленæ дæр.

Бастдзинад æмæ нымæцон технологиты управленийы æнтыстджынæй кæй кусы, ууыл дзурæг сты цы проекттыл кусынц, уыдон. Зæгъæм, электрон хуызмæ раивтой 50 паддзахадон лæггадæй фылдæр.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv

Видео Цæгат Ирыстоны информацион технологиты управлени æмæ архивон службæ бакусдзысты иумæйаг проекттыл канала iRYSTON TV