ក្រុមហ៊ុនកែច្នៃទឹកដូងរបស់ប្រទេសថៃ IFBH ឡើងផ្សារហ៊ុនហុងកុង សម្រេចបានកំណើន ៤២% ក្នុងថ្ងៃជួញដូរដំបូង

នៅថ្ងៃទី៣០មិថុនាម្សិលមិញ ក្រុមហ៊ុនផលិតទឹកដូងរបស់ថៃមានឈ្មោះថា IFBH បានបោះលក់ភាគហ៊ុននៅផ្សារហ៊ុនទីក្រុងហុងកុង ប្រមូលទុនថ្មីបានចំនួន ១,១៦ពាន់លានដុល្លារហុងកុង ឬស្មើ ១៤៨លានដុល្លារអាមេរិក។ នៅក្នុងថ្ងៃ IPO ដំបូង ភាគហ៊ុនរបស់ IFBH សម្រេចបានកំណើនយ៉ាងខ្ពស់ ៤២% ដោយតម្លៃបើកលក់ដំបូង ២៧,៨ដុល្លារហុងកុង និងកើនដល់ ៣៩,៥ដុល្លារក្នុងមួយហ៊ុន ត្រឹមម៉ោងបិទផ្សារហ៊ុននៅថ្ងៃដដែល។ គិតត្រឹមថ្ងៃអង្គារនេះ តម្លៃមូលធនទីផ្សារ ឬ Market Cap របស់ក្រុមហ៊ុន IFBH មានចំនួន ១.៣៤២លានដុល្លារអាមេរិក កើនជិត ៥០០លានដុល្លារអាមេរិក ធៀបនឹងតម្លៃទីផ្សារមុនថ្ងៃ IPO។

សូមជម្រាបថា IFBH គឺជាក្រុមហ៊ុនកែច្នៃទឹកដូងស្រស់របស់ប្រទេសថៃ ដែលផលិតទឹកដូងជាច្រើនប្រភេទវេចខ្ចប់ជាកំប៉ុង និងដបក្រោមយីហោ If។ ក្រុមហ៊ុននេះសម្រេចបានកំណើនប្រាក់ចំណូលដល់ទៅ ៨០% កាលពីឆ្នាំ២០២៤ ដោយសារតែកំណើនលក់នៅទីផ្សារប្រទេសចិន។ ផលិតផលទឹកដូងនាំចេញពីថៃរបស់ក្រុមហ៊ុន IFBH កំពុងព្យាយាមប្រជែងទីផ្សារចិន ហើយដើមទុនថ្មីទើបបានពីការឡើងផ្សារហ៊ុនហុងកុងចំនួន ១៤៨លានដុល្លារអាមេរិកកាលពីម្សិលមិញ នឹងត្រូវបានគេយកទៅពង្រីកទីផ្សារចិនដីគោកបន្ថែម និងសម្រាប់គាំទ្រដល់ផែនការពង្រីកទៅទីផ្សារអូស្ត្រាលី អាមេរិក និងប្រទេសសមាជិកអាស៊ាន...
------------
#poipetinsider #businessnews #economic #business #cambodia

Видео ក្រុមហ៊ុនកែច្នៃទឹកដូងរបស់ប្រទេសថៃ IFBH ឡើងផ្សារហ៊ុនហុងកុង សម្រេចបានកំណើន ៤២% ក្នុងថ្ងៃជួញដូរដំបូង канала Poipet Insider