Я на сваёй зямлі, у сваёй вёсцы, на сваіх могілках – больш мне нічога не трэба

Валянціна Беразняцкая – адна з 10 жыхароў вёскі Савічы, што на Брагіншчыне. Да выбуху на Чарнобылскай АЭС у вёсцы было 1 тыс. жыхароў, шыкоўны клуб, камбінат пабытовага абслугоўвання некалькі крамаў, меліся адчыніць нават уласны картынг, але пасля аварыі на АЭС вёска абязлюдзіла. Жыхароў перасялілі ў розныя мясціны. Сп. Валянціна паехала ў Вітэбскую вобласць, але прыжыцца не змагла, вярнулася дадому праз пару год. У той час у Савічы ўжо вярнуліся 200 чалавек, працавала нават крама. Цяпер жа ў вёсцы жыве 10 чалавек.
Жыццё ў адселенай вёсцы пакрыху точыцца, сп.Валянціна садзіць гарод. трымае двух парсюкоў і 12 курэй, улетку ходзіць у лес па грыбы і ягады. На жыццё не наракае і ўсім задаволена. Адзінае зусмучае – высокія кошты ў крамах і маленькая пенсія вясковай пенсіянеркі.
Пра тое, што вярнулася ў родную вёску сп. Валянціна не шкадуе зусім і шчасліва, што жыве і памрэ на сваёй радзіме.
Падрабязнасці ў матэрыяле карэспандэнткі сайта “Гомельская вясна” Ларысы Шчыраковай

Видео Я на сваёй зямлі, у сваёй вёсцы, на сваіх могілках – больш мне нічога не трэба канала Lara Shchyrakova