Eyvaz Həsənov və Təranə Vəlizadə - Yar İnciyər (val qramafon səs yazısı / gramaphone vinyl record)

Melodiya, 1980
Səs yazısı müasir cihazlarla audio formata keçirilmişdir.

Sözlər: İsgəndər Coşqun
Musiqi: Nəriman Məmmədov

Hər yan çəmən-çəmənzar,
Hər gülün bir ətri var.
O güllərin birini
Gəl səninçün üzüm, yar.
Lalənin bağrı qandı,
Bənövşə pərişandı.
Üzmə, üzmə amandı,
Bülbül bizdən inciyər.

Ay dodağı büzmə, sən
Gör bir, nə həvəsdəsən.
Çıxmaram, bil, sözümdən
Canımı istəsən sən.
Öğlan uzağa getmə,
Bəmdə öt, zilə getmə.
Canla zarafat etmə,
Ömür bizdən inciyər.

Aylar da gəldi, keçdi,
Günlər də gəldi, keçdi.
Toyumuzdan xəbər yox,
Bir il də gəldi, keçdi.
Yolumu kəsmə, oğlan,
Yel olub, əsmə, oğlan.
Çox da tələsmə, oğlan,
Könül bizdən inciyər.

Видео Eyvaz Həsənov və Təranə Vəlizadə - Yar İnciyər (val qramafon səs yazısı / gramaphone vinyl record) канала Retro Music Azerbaijan