ШӘМШІ ӘНДЕРІ ШАРЫҚТАҒАН КҮН!!!

ШӘМШІ ӘНДЕРІ ШАРЫҚТАҒАН КҮН!!!

Алматы қаласының бас сахнасы саналатын Республика сарайында алғаш рет Түркістан облысы Мәдениет басқармасы Ш.Қалдаяқов атындағы филармония өнер шеберлерінің Қазақ вальсінің королі Шәмші Қалдаяқовтың әндерінен «Шарықтасын Шәмшінің асыл әні» атты концерті өтті.

Концерттік бағдарламаның шымылдығы Сабырхан Асановтың сөзіне жазылған Шәмші Қалдаяқовтың әні «Отырардағы той» әнімен бастау алды.

Кеш барысында филармония әншілері көп жылдар бойы халықтың көңілінен шығып келе жатқан үздік әндерді орындады.

Кештің қадірлі қонақтары ретінде ҚР Мемлекеттік сыйлығының лауреаты, ҚР Халық әртісі Нұржамал Үсенбаева, ҚР Мемлекеттік сыйлығының лауреаты, ҚР Еңбек сіңірген қайраткері Талғат Күзембаев, ҚР Еңбек сіңірген қайраткерлері Сәбира Әбдірайымова, Жұбаныш Жексенұлы, Алтынай Жорабаева қатысты.

Дарынды композитор қоржынында 300-ге тарта ән бар. Өнер кешінде қазақ вальсі королінің халық жүрегінен орын алған 25 шығармасы жанды дауыста шырқалды. Сол әндердің барлығы оркестр мен ВИА-ның сүйемелдеуімен орындалды. Сонымен қатар, қалың көпшілікке туындылардың шығу тарихы таныстырылды.

Кеш жүргізушісі «Balapan» телеарнасының директоры, журналист, тележүргізуші Қымбат Досжан және Жандос Өсербаев болды.

Әрбір туындысы жүрек төрінде жатталған өнер иесінің әндері филармония әншілерінің орындауында жаңаша сипат алып, келген көрерменнің көңіліне керемет сезім силай білді.

Қазақ вальсінің королі атанып, көңіл түйткілін шешер шебер өнер өкілінің шығармаларын көрермен сахна саңлақтарымен бірге қосыла шырқады.

Әуезді ән, көтеріңкі көңіл-күй, жан жадыратар ғажап сезімдер тоғысқан өнер кеші айта жүрерлік ғажайып кеш болды.

Иә, Шәмші әндеріне сусап келген халықтың ықыласы жоғары болды. Оны көрермен қауымның риясыз қошеметінен, көтеріңкі көңіл-күйінен аңғаруға болады.

Сондай-ақ, концерт залының фойесінде Түркістан облыстық тарихи өлкетану мұражайы Шәмші атамызға арналған көрме әзірледі.

Видео ШӘМШІ ӘНДЕРІ ШАРЫҚТАҒАН КҮН!!! канала ONTUSTIKFILM / Оңтүстікфильм