«Մի ծաղկով գարուն կգա» գրքի շնորհանդեսը Բրատիսլավայում․ 17․12․19թ․

17 Դեկտեմբերի, 2019թ․
Շատերը գիտեն, որ 2019 թվականի մայիսի 13-ին Երևանում տեղի ունեցավ դոկտոր, գործարար, հասարակական գործիչ, բարերար, EU-ASIA Business Finance Center Holding-ի հիմնադիր և նախագահ, Եվրոպայի հայերի միության ֆորումի նախագահ, "Տնտեսական վերլուծությունների և կանխատեսումների համաեվրոպական կենտրոնի" համանախագահ և գլխավոր տնօրեն, Սլովակիայի հայ համայնքի նախագահ Աշոտ Գրիգորյանի՝ ««Մեկ ծաղկով գարուն կգա» (թե ինչպես Սլովակիայում հաստատվեց Հայոց ցեղասպանության բանաձևը)»՝ հայերեն և ռուսերեն լեզուներով գրքի շնորհանդեսը։

Վերջերս լույս ընծայվեց «Մեկ ծաղկով գարուն կգա» գիրքը անգլերեն և սլովակերեն թարգմանություններով, որի շնորհանդեսը կայացավ դեկտեմբերի 17-ին՝ Բրատիսլավայում։

Գիրքը նկարագրում է Սլովակիայի Հանրապետության Ազգային խորհրդում Հայոց ցեղասպանության բանաձևի ընդունման, դրա անցկացման պատմությունը՝ սկսած 1999 թվականից մինչև 2004 թվականի պատմական այդ պահը։

Շնորհանդեսին մասնակցեցին հիմնականում Հայոց ցեղասպանության բանաձևը Սլովակիայի խորհրդարանում անցկացրած քաղաքական գործիչների խումբը, որոնք իրենց ելույթներում ևս մեկ անգամ փաստեցին, որ Հայոց ցեղասպանության բանաձևը պատրաստել է դոկտոր Աշոտ Գրիգորյանը, և այդ ընթացքում, Գրիգորյանը անտրտունջ աշխատանք տանելով Ազգային Խորհրդի կուսակցությունների ու խմբակցությունների հետ՝ ձեռք է բերել պայմանավորվածություն բոլորի հետ, որպեսզի ոչ ոք դեմ չքվեարկի։ Ելույթ ունեցողների գնահատմամբ՝ կատարվել է մեծածավալ ու հսկայական աշխատանք, որի արդյունքում՝ Խորհրդարանում առանց գեթ մեկ դեմ ձայնի՝ Սլովակիան 2004 թվականի նոյեմբերի 30-ին ընդունեց Հայոց ցեղասպանության բանաձևը։

Նշենք, որ 2001 թվականին Ֆրանսիայում Հայոց ցեղասպանության բանաձևի ընդունումից հետո Սլովակիան առաջինն էր, որ 2004 թվականին իրականացրեց այն, որից կարճ ժամանակահատված անց՝ կես տարվա ընթացքում, համանման բանաձևեր ընդունեցին Նիդերլանդների, Լեհաստանի, Լիտվայի,
իսկ այնուհետև նաև այլ երկրների խորհրդարանները։

Գրքում անդրադարձ է կատարվում նաև կատարվածի վերաբերյալ Թուրքիայի արձագանքին։

Հետագայում՝ 2009 թվականի սեպտեմբերի 1-ից Սլովակիայում սկսեց գործել Հայոց ցեղասպանության ժխտման համար քրեական պատասխանատվութուն նախատեսող օրենքը, որի ներդրման մեջ իրենց մեծագույն ավանդն ունեցան դոկտոր Աշոտ Գրիգորյանը իր մտերիմ ընկեր՝ Սլովակիայի փոխվարչապետ, Արդարադատության նախարար Շտեֆան Հարաբինի հետ։ Ըստ նոր քրեական օրենքի՝ Հայոց ցեղասպանության մերժումը Սլովակիայում դատապարտվում է 5 տարի ազատազրկմամբ՝ եթե կատարվում է դիտավորյալ , և 3 տարի՝ եթե ժխտումը կատարվում է ոչ միտումնավոր։
Տարիներ անց այդ բանաձևը օրենք դարձավ նաև Հունաստանում։

««Մեկ ծաղկով գարուն կգա» (թե ինչպես Սլովակիայում հաստատվեց Հայոց ցեղասպանության բանաձևը)» գիրքն ամբողջությամբ կարող եք կարդալ հետևյալ հղումով
https://drive.google.com/file/d/1WTqAvPN_kGo8Q1Aqh135SG-03pUH_NoT/view?fbclid=IwAR1Vy2e3EgKU9YnGkMHw2saTqZcsyU1nCqLjd8EWZLwS0R24prNKWXPOhcs

https://www.facebook.com/915130191962590/videos/492341984722302/

Видео «Մի ծաղկով գարուն կգա» գրքի շնորհանդեսը Բրատիսլավայում․ 17․12․19թ․ канала FAAE, President Dr. Ashot Grigorian