И.A.Каримовга Юнесконинг «Авиценна» (Абу Али ибн Сино) олтин медалини топшириш маросими

6 ноябрь 1998 йил.
Тошкентдаги «Интерконтинентал» меҳмонхонасининг Амир Темур залида ЮНЕСКО ижроия кенгаши 155-сессиясининг якуний йиғилиши бўлиб ўтди.
155-сессия 19 октябрь куни Парижда очилган эди. Унинг асосий мавзуси «Инсон ҳуқуқлари умумжаҳон декларациясининг 50 йиллиги, эсламоқ бурчи ва ҳушёрлик зарурати – қулликдан инсон қадр-қимматининг тикланиши сарих деб белгиланган эди.
Сессияда ЮНЕСКО бош конференцияси томонидан қабул қилинган ЮНЕСКО фаолият дастурларининг бажарилишига оид ҳисобот маърузаси ва турли ташкилий масалалардан ташқари, дунёвий маданият равнақига бағишланган учта ҳужжат қабул қилиниши мўлжалланган эди.
Биринчи ҳужжат БМТ учун мўлжалланган дунёвий маданият ҳақидаги умумий маъруза, иккинчиси – «Дунёвий маданият йўлида» деб номланган соҳалараро лойиҳанинг баҳоланиши ҳақида бўлиб, мазкур ҳужжатлар Париждаги йиғилишда қабул қилинди.
Учинчи ҳужжат эса Ўзбекистон томонидан таклиф қилинган «Дунёвий маданият ва ЮНЕСКОнинг аъзо мамлакатлардаги фаолияти» деб номланган қарор лойиҳаси бўлди.
Ўзбекистон ҳукуматининг таклифига биноан ижроия кенгаш қарорлари рўйхатига 9.6 банд этиб киритилган бу ҳужжат лойиҳаси 155-сессиянинг Тошкентда ўтадиган якуний йиғилишида қабул қилиниши мўлжалланган эди.
Сессиянинг якуний йиғилишини ЮHECКО ижроия кенгаши раиси Пал Патаки очли. Раис сессия кун тартибига Ўзбекистон томонидан киритилган ҳужжатнинг аҳамияти ҳақида гапириб, ҳужжат муҳокамасини Ўзбекистонда ўтказиш таклифи кўпчилик томонидан мамнуният билан қабул қилинганини қайд этди.
ЮНЕСКО ижроия кенгаши 155-сессиясининг Тошкентда бўлиб ўтган якуний йиғилишида Ўзбекистон Республикаси Президенти Ислом Каримовга ташкилотнинг Абу Али ибн Сино номидаги олтин медали топширилди.
«Бу олий мукофот, – деди Ислом Каримов, – энг аввало, кўпмиллатли халқимизнинг умумбашарий цивилизация тараққиётига қўшган ҳиссаси ва хизматининг тан олиниши, тарихий, маданий, маънавий меросни асраб–авайлаш, мамлакатимизда жамиятни маънавий ва ахлоқий жиҳатдан юксалтириш, соғлом ва комил авлодни тарбиялаб вояга етказиш, қисқача қилиб айтганда, халқимизни маърифат йўлига бошлаш борасидаги саъй ҳаракатларимиз, гуманизм ғояларига ҳурматимиз, эътиқодимизнинг муносиб баҳосидир».

Видео И.A.Каримовга Юнесконинг «Авиценна» (Абу Али ибн Сино) олтин медалини топшириш маросими канала Islam Karimov