Mwanafunzi abuni dripu ya mgonjwa inayotuma 'sms', kupiga simu ikikaribia kuisha

Ukuaji wa sayansi na teknolojia umezidi kurahisha mambo mengi ikiwamo uhudumiaji wa wagonjwa hospitalini hasa wale waliolazwa.
Kutokana na umakini unaohitajika ikiwemo katika kuwatembea mara kwa mara hasa kwa wale waliotundikiwa dripu za maji au damu, ilimsukuma Godwin Justine mwanafunzi wa Chuo cha Ufundi na Mafunzo ya Ufundi Stadi Veta kuja na dripu ya kielektroniki. Akizungumza na Mwananchi Digital leo Juni 29, 2024 Justine amesema zikitumika dripu hizo katika vituo vya afya na hospitali itarahisisha utoaji huduma haraka kwa wagonjwa.
Dripu hiyo inawekewa ‘sensor’ na kuunganishwa katika mfumo maalumu inayo uwezo wa kutuma ujumbe mfupi wa maandishi na kupiga simu pindi inapokaribia kuisha.

Kwa mujibu wa Justine ambaye ni mwanafunzi wa Veta, Dodoma amesema lengo la kutengenezwa kwa dripu hiyo ni kusaidia kukabiliana na uhaba wa wahudumu wa afya uliopo nchini.
Kwa sasa Tanzania inakabiriwa na upungufu wa takribani asilimia 65 ya watumishi wa afya katika vituo vya kutolea huduma za afya.

Видео Mwanafunzi abuni dripu ya mgonjwa inayotuma 'sms', kupiga simu ikikaribia kuisha канала Mwananchi Digital