Бүгін 23 сәуір - Дүниежүзілік кітап және авторлық құқық күні.

1995 жылы Париж қаласында өткен ЮНЕСКО-ның Бас конференциясында осы күнді «Дүниежүзілік кітап және авторлық құқық күні» деп шешім қабылданды. Күннің басты мақсаты – адамдарды, әсіресе жастарды кітап оқуға шақыру, одан ләззат алуға баулу және адамзаттың мәдени және әлеуметтік өрлеуіне үлес қосқан авторларды құрметтеу, есімдерін ұлықтау.
⠀
Сондықтан жыл сайын осы күнге орайластырылған түрлі бастамалар мен іс-шаралар саны өсуде, оларды өткізу географиясы кеңеюде. Әлемнің көптеген елдері арасында дәстүрлі түрде кітап жәрмеңкелері мен көрмелері, әлем классиктерінің шығармаларын көпшілікке оқу және түрлі мәдени — ойын-сауық іс-шаралары өткізілуде.
⠀
Осы бір ерекше күні бүкіл әлемдегі кітаптар мен авторларға құрмет көрсетіліп, кітап оқу дәстүрі мадақталады. Мұның бәрі әдебиетте шекара жоқ екендігінің жарқын мысалы. Бұл мереке адамдардың бір сәтке аялдап, сөз қадірін түсінуіне, жазылған сөздің бағалы екенін, адамзаттың әлеуметтік және мәдени дамуына зор ықпал ететінін ұғуына мүмкіндік береді.

Видео Бүгін 23 сәуір - Дүниежүзілік кітап және авторлық құқық күні. канала Павлодар облыстық арнайы кітапханасы