Әскери техника Малай еліне экспортталады

Көрмеге қою, табиғатын түсіндіру бір басқа да, сұранысқа сай өнім шығару да үлкен мұрат.

KADEX халықаралық көрмесінде сарапшылар назарын аударған кәсіпорынның бірі – «Семей инжиниринг».

Компания бұған дейін Малайзия мемлекетіне әскери және азаматтық техникалар экспорттау жайында уағдаластыққа жеткен.

Зауыт бас директорының орынбасары Төлеген Данияров жалпы құны 5 миллиард теңге болатын келісімге қол қойылғанын айтады.

Әскери және азаматтық салаға арналған техникалар бүгінде әлемнің көптеген мемлекетінің қызығушылығын туғызып отыр.

Брондалған техникаларды құрастыратын әрі жөндеумен айналысатын кәсіпорында қазір 700-ге жуық маман еңбек етеді.

Жаңа жобалар жұмыс орындарын 2 есеге арттыруға мүмкіндік береді.

Төлеген Данияров, «Семей инжиниринг» АҚ Бас директорының орынбасары

-Болгария модернизация бойынша бізден техника алмақшы. Тағы кездесеміз олармен. Мүмкін шартқа отыратын шығар. Тәжіктер техника сұрап отыр. Ремонт жасатуға және әскери техниканың саймандарын алмақшы. Бүкіл Орталық Азияда біздікі жалғыз осындай теңдесі жоқ зауыт қой.

Видео Әскери техника Малай еліне экспортталады канала novosti khabar2016