PANIK në Greqi/ Kreta goditet nga tërmeti i fortë, lëkundjet ndihen në jug të ishullit

Një tërmet me magnitudë 5.7 të shkallës Rihter ka goditur mëngjesin e së premtes një zonë detare pranë Kretës, Greqi, duke u ndjerë fuqishëm në jug të ishullit.

Mediat vendase shkruajnë se, lëkundjet u raportuan veçanërisht në zonat Sitia dhe Ierapetra, ku banorët përjetuan momente paniku.

Sipas kryebashkiakut të Sitias, Giorgos Zervakis, tërmeti ishte i fortë dhe me kohëzgjatje të konsiderueshme, çka rriti shqetësimin te qytetarët.

Megjithatë, autoritetet lokale bëjnë thirrje për qetësi, duke theksuar se situata po monitorohet nga afër. Deri tani nuk raportohen dëme materiale apo të lënduar.

Pas tërmetit kryesor, janë regjistruar edhe disa lëkundje të tjera me magnitudë nga 3.5 deri në 3.8 Rihter.

Sipas ekspertëve, epiqendra ka qenë në jug të rajonit Lasithi, me një thellësi të vogël rreth 5 kilometra, çka shpjegon përhapjen e gjerë të lëkundjeve deri në Kasos dhe Karpathos.

Sizmologët theksojnë se zona është e njohur për aktivitet të lartë sizmik për shkak të përplasjes së pllakave tektonike afrikane dhe euroaziatike.

Eksperti Vasilis Karastathis e cilësoi tërmetin si një fenomen të zakonshëm për rajonin, ndërsa sizmologu Akis Tselentis tha se nuk pritet një tërmet më i fortë, por paralajmëroi për pasgoditje në ditët në vijim.

Autoritetet dhe ekspertët këshillojnë qytetarët të shmangin përkohësisht aktivitetet në det dhe të kontrollojnë ndërtesat e vjetra për dëmtime të mundshme.

Ndërkohë, strukturat e mbrojtjes civile janë në gatishmëri për të vlerësuar situatën në terren.

Видео PANIK në Greqi/ Kreta goditet nga tërmeti i fortë, lëkundjet ndihen në jug të ishullit канала Flash Zone 360°