Şəhid Xudayar Kəlbəcərdən Zəngilana niyə gətirildi? - Bilmədiyiniz gerçəklər

Şəhid Xudayar Kəlbəcərdən Zəngilana niyə gətirildi? - Bilmədiyiniz gerçəklər
Marketdə mühafizəçi işləyirdi. Müdür bir gün irad tutur ki, niyə maşınımın qapısın açmırsan, mən gələndə.
Deyir, müdür, mühafizəçiyəm marketdə, iş müqaviləmdə qapı açan yazılmayıb. Müdür də qayıdır ki, işdən azadsan.
Təsadüfən söhbətə mağazada, mülkü geyimdə nəsə alan bir nəfər də şahid olur. Cavaba gülümsəyir, sonra yavaşcadan əyilib oğlana deyir ki, sabah sənədlərini də götür, gəl Sərhəd Qoşunlarına, idarəyə. Beləcə sərhədçi olur. Sonra Şəhid. Xudunu deyirəm, "VƏTƏN yaxşıdır" oxuyan, şəhid Xudayarı, üzü qəmzəli, gülər oğlanı...

Xudayardan mahnının davamını.

Xudayar Müslüm oğlu Yusifzadə Azərbaycan Respublikası Dövlət Sərhəd Xidmətinin giziri. İkinci Qarabağ müharibəsi zamanı Zəngilanın Ağbənd qəsəbəsi uğrunda döyüşlərdə şəhid olmub.

Yusifzadə Xudayar Müslüm oğlu 1998-ci ildə Bərdənin Qazıqurdalı kəndində anadan olmub. Bərdə 1 saylı uşaq musiqi məktəbinin xanəndəlik ixtisasını bitirib/[1].

Ailədə 3 qardaş və bir bacı olublar. Xudayar ailənin ən kiçik övladıddır.
Azərbaycan Respublikası Dövlət Sərhəd Xidmətində müvəqqəti hərbi xidməti bitirdikdən sonra, Sərhəd Qoşunlarında gizir kimi həqiqi hərbi qulluğa başlayıb. Astarada yerləşən N saylı sərhəd zastavasında xidmət edib. Tovuz döyüşlərindən sonra könüllü olaraq döyüşmək üçün müraciət etmişdir. Füzulinin azad olunmasından sonra oradakı yeni yaradılmış sərhəd zastavasında xidmətə başlayıb. Kəlbəcər, Cəbrayıl, Zəngilan istiqamətində döyüşlərdə könüllü olaraq iştirak edib.
Kəlbəcər rayonu istiqamətində, Murovdağ yüksəklikləri uğrunda döyüşlərdə iştirak edib. Bir müddət sonra Füzuli, Cəbrayıl, Zəngilan istiqamətində döyüşlərdə vuruşub. Zəngilanın Ağbənd kəndinin azad olunmasında şücaət göstərmiş və orada yaralanmasına baxmayaraq düşməni məhv etmişdir. Aldığı ağır yaradan sonra şəhidlik zirvəsinə yüksəlmişdir.

Bu gün şəhid olmasından 40 gün keçir dastan Xudayarın...
Təsadüflər təkcə romanlarda, kinolarda olmur. Həyat təsadüflərlə doludur. Xudayarın həyatı kimi... Onun dünyaya gəlməsi bəlkə bu zərurətdən idi...
Bərdədə doğulub. Dünyaya gəlişi ilə həyat ona ilk “sürprizini” atasını əlindən almaqla edib. 32 yaşında qarmon ifaçısı olan atası Müslüm Yusifzadə ürək qüsurundan dünyadan köç edib. Ailədə üç qardaş, bir bacı anaları ilə qalıblar nənə, baba himayəsində.
Qarşıda hələ neçə-neçə sürprizlər olduğunu bilmirdi Xudayar. Yaman dəcəl və ərköyün idi. Babasıyla nənəsi o dörd uşağın yolunda, ayaqları altında canları ilə döşənərdilər ki, gözlərində yaş görünməsin, yoxsa nakam atalarının ruhunu incitmiş olarlar. Uşaqlar da qayğısız böyüyürdülər, ailə onların var içində böyüməsinə çalışdığından yox nədir bilmirdilər.
Xudayar Bərdə 1 saylı Musiqi Məktəbinin xanəndəlik sinfində oxuyurdu, evdə də işi-gücü oxumaq olardı. Daha bir təsadüf onun orta məktəbin birinci sinfinə gedəndə hərbiçi olmaq arzusu ilə nənəsinə aldırdığı hərbi formanı geyinməsi olub.
Əsgəri xidmətdən qayıdanda isə görüb ki, yaşadıqları ev elektrik naqillərinin qısa qapanmasından yanıb kül olub. Ailənin belə ağır vəziyyətində Xudayar işləmək üçün Bakıya gəlib. Marketlərdən birində mühafizəçi işləyirmiş. Bir gün marketin sahibi ona darvazanı açmadığı üçün Xudayarı azarlayıb. Xudayar cavab verib ki, əvvəla görmədim gəldiyinizi, ikinci də mən qapı açan işləmirəm, mühafizəçiyəm. Bu dialoqa təsadüfən qulaq müsafiri olan market müştərisi Xudayarın çiyninə ehmalca vurub qulağına bayırda səni gözləyirəm deyib. Təbii ki, müdirlə olan mübahisədən sonra işini itirdiyinə əminliklə Xudayar marketdən çıxıb həmin adama yaxınlaşır. Bayırda gözləyən Orxan adlı adam ona sabah sənədlərini də götür gəl Sərhəd Qoşunlarına deyir.
Xudayar qəbul olub, oxuyur, amma ailəsini kirayələrdən qurtarmaq üçün tez bir zamanda işləmək istəyirdi. Tezliklə Astarada Sərhəd Qoşunlarında gizir kimi fəaliyyətə başlayıb.
Vətən Müharibəsinin ilk günlərindən döyüşlərə qatılır.
Anası Radə Yusifzadənin dediyinə görə ailəsi onun döyüşlərdə olduğunu bilməyib: Bizə demirdi, zəng edəndə gülə-gülə zarafata salıb deyirdi, bizi döyüşə aparmırlar, təlim keçirlər. Bir dəfə telefonda güllə səslərini eşitdim, anladım anlamağa, amma dedi ki, Zəngilanı almışıq deyə, əsgərlər atəşfəşanlıq edirlər. Dedim bala, Allah səni də, yoldaşlarını da qorusun. Təkcə, balaca dayısına demişdi ki, döyüşə gedirəm. Dayısı dedi onu saxlamaq olmazdı ”.
Gəlirəm yenə təsadüfün üstünə, niyəsini indi siz də biləcəksiniz. Şəhidliyindən iki gün əvvəl sosial şəbəkələrdə onun ifasında yayılan mahnının sözlərinə fikir verin:
Dumanlı dağların başında durdum,
Dumandan özümə bir
xeymə qurdum,
Keçdi xəyalımdan öz gözəl yurdum,
Dumanlar içində duman göründü.

Видео Şəhid Xudayar Kəlbəcərdən Zəngilana niyə gətirildi? - Bilmədiyiniz gerçəklər канала Demədi Demə