Ramiz Rövşən - "Dünyanın sən olan yeri" | ŞEİR

Şair: Ramiz Rövşən
Səsləndirən: Fuad Fərəcoğlu
Musiqi: Fuad İbrahimli - "Dilbərim"

Digər hekayələr: https://bit.ly/hekayelerr
Şeirlər: https://bit.ly/sheirler
Nağıllar: https://bit.ly/nagillar
Məktublar: https://bit.ly/mektublarr

MƏNİ SOSİAL ŞƏBƏKƏLƏRDƏ İZLƏYİN:

✔ Facebook: https://bit.ly/3NYxL1M
✔ Instagram: https://bit.ly/3reABGi
✔ Twitter: https://bit.ly/3Kx93n9
✔ Linkedin: https://bit.ly/3v5HCuj

DÜNYANIN SƏN OLAN YERİ

Boşaldı dünyanın sən olan yeri…
Dünyanın sən olan yerindən indi
Tozlana-tozlana maşınlar keçir,
Nazlana-nazlana xanımlar keçir,
Cavanlar keçir tüpürüb siqaret kötüklərini.
Dünyanın sən olan yerindən ancaq
mən keçə bilmərəm.

Baş alıb qaçaram gecələr ilə,
Uzun yollar ilə, küçələr ilə,
Dünyanın sən olan yerindən elə
baş alıb qaçaram, qaça bilmərəm.

Yenə də, açılar səhər qəfildən,
yenə də, sökülər qızıl dan yeri.
Bütün yer üzünün hər tərəfindən
görünər dünyanın sən olan yeri.
Dünyanın sən olan yerinə bir gün
yağış yağacaq.
Gecə köynəyində, ürkək-utancaq,
çıxarsan eşiyə, gözlərsən məni,
üşüyə-üşüyə gözlərsən məni.
Qoşulub ağlarsan yağan yağışa,
Əlimdən nə gələr?.. Məni bağışla!..

…Nə sən kiriyirsən, nə yağış kəsir,
yağışa qarışıb axarsan, kiri.
Ağlaya-ağlaya bu yaz gecəsi
əriyib yağışa çıxarsan, kiri.
Baxdıqca qorxuram yağan yağışa,
Ağlaya bilmirəm… Məni bağışla!..

Видео Ramiz Rövşən - "Dünyanın sən olan yeri" | ŞEİR канала Fuad Fərəcoğlu