СҮЙӨМ ДЕП НЕГЕ АЛДАДЫҢ? Сөзү: Гүлзат Кудайбердиева, Мыскал Адилкан кызы, Толкунбек Курманбеков

Урматтуу ыр ышкыбоздору!
Бул ырды угаардан алдың, ырдын тарыхына кайрыла кетиңиздер. Алгачында эсиңиздерге сала кетейин, ырдын экинчи куплетин мен улап бергеним болду.
Ыр жарыяланаары менен "Автору башка" делген кептер таралууда. Байкасам, ырдын биринчи куплетин Мыскал Адилкан кызы да ырдап чыккан экен. Өзүнүн интернет баракчасына билдирүү калтырып, комментарий жазганымда мени блоктоп салган. Демек, автору ал эмес экен деп жыйынтыкка келгенмин. Такташтыра келсем эки же үч эле ыры бар экен. Ыр жазып таштап койгон сыягы.
Бирок, Толкунбек Курманбеков жаздырардан мурда Мага мындай кайрылган болчу: "Өзүм ыр жазамын. Бир куплетин жазган бойдон кайра улай албай койдум. Экинчи куплетин жазып берсеңиз"-деп. Көрсө Мыскал бул ырын Толкунбекке 3-4 жыл мурда "Одноклассники" сайтынан жөнөткөн экен, миш-мишке таянсак.
"Малчысы көптүн малы арам өлөт" болуп, көпчүлүк байкабаганы менен өз ара түшүнбөстүктөр болуп баштады.
Негизинде, бирөөнүн текстин оңдоп, улап жазуудан алыс элем. Эмнегедир Макул болгон экенмин. Өкүндүм!

Урматтуу ютуб колдонуучулары, ырды жүктөрдө жогоруда мен айтып өткөн авторлорду эске алып койсоңуздар!

Урматым менен Гүлзат Кудайбердиева!
Менин калемиме таандык (экинчи бөлүк, экинчи куплети) саптарды назарыңыздарга койдум.
СҮЙБӨСӨҢ НЕГЕ АЛДАДЫҢ?
2)
Менчелик сүйүп турсун,
Бактыңа буйурганың.
А бирок мендик сүйүүң,
Түбөлүк менде калсын?

Сагынып калганымда,
Ооруксуйм тартып санаа.
Дидаарың тумар сымал,
Дартыма болот дабаа.

Сүрөтүң көргөн сайын,
Жүрөктө козуйт жарам.
Жашоого билсең азыр
Өзүңсүз көнүп барам.

Мен сени сүйгөнчөлүк,
Сүйөлбайт билсең жарың.
Мени эми сүйбө мейли,
А бирок унутпагын!
Автор: Гүлзат Кудайбердиева

Видео СҮЙӨМ ДЕП НЕГЕ АЛДАДЫҢ? Сөзү: Гүлзат Кудайбердиева, Мыскал Адилкан кызы, Толкунбек Курманбеков канала Гүлзат Кудайбердиева