Avtomobilinizdə plastik su qabı saxlamayın!

Mütəxəssislər avtomobil sürücülərinə yayda maşında plastik su qablarını saxlamamağı məsləhət görür.
Metbuat.az-ın məlumatına görə, Stanford Universiteti bununla bağlı araşdırma aparıb. Araşdırmanın nəticəsinə görə, yayda kondisioneri olmayan, 22-35 dərəcə istidə və günəşin altında saxlanılan avtomobilin içərisində istilik bir saat içərisində 44-55 dərəcəyə qədər artır.
Günəşli havada avtomobilin içərisində unudulub qalan plastik su qabı isə fəlakətə səbəb ola bilər. Oklahomadakı Midvest Yanğınsöndürmə Təşkilatı bununla bağlı nəticəni görmək üçün avtomobilin içinə plastik su qabı qoyub. Su qabı günəş işıqlarını sürətlə avtomobilin içərisinə çəkib. Bunun nəticəsində isə əvvəl avtomobilin oturacaqları yana bilər, sonra isə yanğın bütün avtomobilə keçə bilər.
Dioni adlı mühəndis də eyni təhlükə barədə məlumat verərək bildirib ki, günorta fasiləsində nahar üçün kafeyə gedib. Geri qayıdanda görüb ki, avtomobilinin içərisi dumanlıdır və plastik su qabı az qalsın oturacaqları yandıracaqmış.
Həmin vaxt yanında hadisəyə şahid olan iş yoldaşı İdaho Pover Facebookda status yazaraq bildirib ki, demək olar hamı avtomobilinə plastik su qabı qoyur. Bu səbəbdən ya avtomobilinizdə plastik su qablarını unutmayın, ya da maşını günəş şüalarının düşdüyü yerdə saxlamayın.

Видео Avtomobilinizdə plastik su qabı saxlamayın! канала Metbuat.az