Алла тағаладан ізгі ұрпақ сұрау дұғалары // Марфуға ШАПИЯН

Дұға – әлсіз, әлжуаз пенденің құдіреті шексіз Ұлы Жаратушымен үнемі байланыс құруы, арқа сүйеуі. Дұға – мұсылмандағы асқақ арман-тілектің көрінісі. Адам баласының осы асқақ арман-тілегінің ішінде ұрпақ сүю де бар. Сондықтан ол Жаратқаннан ұрпақ сыйлауын сұрап, дұға жасайды. Бірақ сұраған ұрпақ қандай болуы қажет? Бұл мәселеге қатысты да Құран аяттары пайғамбарларды мысалға келтіре отырып, ерлі-зайыптыларға ұрпақ сұрағанда қалай дұға жасау керектігін үлгі етеді.

Зәкәрия пайғамбар дұғасы:

«Ол жерде Зәкәрия дұға жасады: Раббым, маған пәк ұрпақ нәсіп ете гөр! Күмәнсіз, сен дұғаны шын мәнісінде естушісің!» (“Әли Имран” сүресі, 38-аят).

Ибраһим пайғамбар пайғамбар дұғалары:

«Алла тағалам, маған салиқалы бір ұл бере гөр» (“Саффат”, 100-аят)

«Уа, Раббымыз! Бізді Саған бас иетіндерден қыла гөр! Ұрпағымыздан саған бағынатын үмбет шығара гөр! Бізге ғибадат жөнін көрсет, тәубаларымызды қабыл ала гөр! Өйткені, Сен тәубаларды қабыл етуші әрі өте мейірімдісің» (“Бақара” сүресі, 128-аят).

«Уа, Раббым, мені және ұрпағымды намазын тастамай оқитындардан ете гөр! Уа, Раббым, осы дұғамды қабыл ете гөр!» (“Ибраһим” сүресі, 40-аят)

Ал Адам пайғамбар (а.с.) мен Хауа анамыздың дұғасы:

«Ант етейік, егер бізге игі бала берсең, Саған шүкіршілік білдіретін боламыз» (“Ағраф” сүресі, 189-аят).

Ізгі адамдар дұғасы:

«Және ол кісілер: Раббымыз, бізге көзіміздің нұры боларлық ұрпақ нәсіп ете гөр! Әрі бізді тақуа жандарға имам қыла гөр!» деді» (“Фурқан” сүресі, 74-аят).

Имранның жұбайының дұғасы:

«Оны (Мәриямды) және оның ұрпағын қуғынға ұшыраған шайтанның жамандығынан сақтай гөр» (“Әли Имран” сүресі, 36-аят)

#дұға #бала #ұрпақ

МЕНІ МЫНА ӘЛЕУМЕТТІК ЖЕЛІЛЕРДЕН ТАБА АЛАСЫЗДАР:

*instagram: https://www.instagram.com/marfugashapian

*facebook: https://www.facebook.com/marfugashapian

*vk: https://vk.com/marfugashapian

*telegram: https://t.me/marfugashapian

Хат жіберу үшін пошта: marfuga21@gmail.com

Видео Алла тағаладан ізгі ұрпақ сұрау дұғалары // Марфуға ШАПИЯН канала Марфуға ШАПИЯН