1340 асири ТОЛИБОН дар дасти Аҳмади Масъуд

Аҳмади Масъуд, раҳбари Ҷабҳаи муқовимати миллии Афғонистон, як ҷаласаи васеи фармондеҳонашро баргузор кард
Ин ҷаласа пас аз намози зуҳр дар маркази вилояти Панҷшер бо иттифоқи фармондеҳон ва бузургони маҳал баргузор шуд.
Манбаъи Sputnik Тоҷикистон аз қавли ширкаткунандагони ин ҷаласа хабар дод, ки Аҳмади Масъуд аз нерӯҳояш хостааст, бо асирон рафтор инсонӣ намуда, нону обашонро бо онҳо тақсим ва захмиҳои “Толибон*” - ро то ҳадди тавон табобат кунанд.
“Асирони хориҷӣ, бахусус покистонӣ дар ҷамъи асирон хеле зиёданд. Дақиқ 1340 тан назди мо асиранд, ки дар миёни онон покистонӣ ва араб ҳам мавҷуд аст”, - гуфтааст раҳбари Ҷабҳаи муқовимати миллии Афғонистон.
“Садҳо тан аз толибони Бадахшон бо Ҷабҳаи муқовамати милли Афғонистон пайвастаанд. Ин далели резиши ташкилотӣ ва низомии “Толибон*” ба нафъи мост”, - гуфтааст Аҳмади Масъуд.
Як ҳафта аст, ки дараи Панҷшер майдони набардҳои хунин миёни Ҷабҳаи муқовимати миллии Афғонистон бо раҳбарии Аҳмади Масъуд ва “Толибон*” – у созмонҳои террористӣ, назири “Ал-қоида”, шудааст. Бино ба додаҳои гуногун, теъдоди кушташудагон аз миёни нерӯҳои “Толибон*”-у шариконашон аз марзи 1000 нафар гузаштааст.

Видео 1340 асири ТОЛИБОН дар дасти Аҳмади Масъуд канала PRESSA TJ