Xankəndində Rusiya sülhməramlılarının "təntənəli sıra düzülüşü", yoxsa? Zaur Qəriboğlu ilə CANLI

10 noyabr 2020-ci ildə imzalanmış üçtərəfli bəyanata uyğun olaraq müvəqqəti olaraq Azərbaycan ərazisində yerləşdirilmiş Rusiya sülhməramlı qüvvələrinin Xankəndi şəhərində təntənəli sıra düzülüşü planlaşdırılır".

"Hər il olduğu kimi, bu il də ölkəmizdə 9 May – Qələbə günü münasibətilə müxtəlif tədbirlər keçiriləcək. Müdafiə Nazirliyinin tədbirlər planına uyğun olaraq hərbi hissələrdə, ali hərbi məktəblərdə görüşlər təşkil olunacaqdır. Türkiyə - Rusiya Birgə Monitorinq Mərkəzində xidmət göstərən bir qrup hərbçi Müdafiə Nazirliyinin təşkilatçılığı ilə Beyləqan rayonunda II Dünya müharibəsində iştirak etmiş və həlak olmuş şəxslərin xatirəsinə ucaldılmış abidə önünə əklil qoyacaqlar", - nazirlikdən bildirilib.

Bu xəbər Xankəndi paradı ilə bağlı bizim narahatlıqlarımızı azaldırmı? Yoxsa məsələ düşündüyümüzdən də qəlizdirmi? Azərbaycan Rusiyaya münasibətdə hansı xətti tutmalıdır? Maksimum səbr, yoxsa?

Xankəndində Rusiya sülhməramlılarının "təntənəli sıra düzülüşü", yoxsa? Zaur Qəriboğlu ilə CANLI
Lavrov da ermənilərdən döndüsə...Zaman-zaman ermənipərəst mövqeyi ilə gündəmə gəlmiş xarici işlər naziri Lavrovun Ermənistandakı bəyanatları erməniləri məyus edib. “Soyqırım abidəsinə” ziyarət bu səfərdə ermənilər üçün ən yaddaqalan müsbət hadisə olub. Bakıya səfər öncəsi nazir İrəvanda Ermənistanın kim olduğunu xatırladıb: ”Rusiya ilə ittifaq Ermənistanın təhlükəsizliyinə kömək edir” deyib ki, bu da Moskvanın sözündən çıxmağın hansı fəsadları ola biləcəyinə işarədir. Lavrov, “bölgədəki bütün rabitə əlaqələri açılmayana və ermənilərlə azərbaycanlılar "on illər və yüzillər boyu olduğu kimi" sülh içində yaşamayana qədər, Qarabağ probleminin nizamlanmasında siyasi məsələlərin (yəni hər hansı xəyali statusun) müzakirəsini istisna edib. Rusiya XİN rəhbərinin Minsk Qrupunun fəaliyyətini xüsusi önəmsəmədiyi də hiss olunub və bu onu göstərir ki, Qarabağ probleminin həllində Rusiya əsas mövqeyini güzəştə getməkdən uzaqdır, sadəcə yeri gələndə manevrlər edir. Bu, Lavrovun mayın 10-da Bakıya gözlənilən səfərində ümidverici mesajlar kimi anlaşılır. Burada onun diqqətinə hansı məsələr çatdılacaq? Ən çox müzakirə mövzusu Zəngəzur dəhlizi, sülhməramlılarla bağlı bəzi narahatlıqlar və Laçın koridoruna birgə nəzarət mexanizminin işləməsidir.
"F-35”lərlə bağlı Türkiyə-ABŞ hərbi əməkdaşlığı bərpa edilir - ABŞ-dan geri addım. “Ankara Vaşinqtondan məktub alıb. Bu da ən yeni nəsil qırıcılar olan “F-35”lə bağlı problemin həlli üçün iki ölkə arasında dialoqun başlanğıcı ola bilər”. Bu sözləri Türkiyə Müdafiə Sənayesinin rəhbəri İsmail Dəmir deyib. Türkiyə bu proqramdan Rusiyadan S-400 sistemləri aldığı üçün az öncə çıxarılmış və Ankaraya “F-35-lərin tədarükü dondurulmuşdu. “Biz artıq demişdik ki, heç bir ölkə birtərəfli qaydada “F-35” proqramından kənarlaşdırıla bilməz. Və ABŞ-dan gələn son məktub bizim haqlı olduğumuzu təsdiqlədi. “F-35”-lə bağlı problemin həll yolunu tapmaq üçün ABŞ-la dialoq başlayacaq”, - deyə Dəmir qeyd edib. Maraqlıdır ki, məktub Baydenin “erməni soyqırımı” ifadəsi işlətməklə Türkiyəni incitməsindən az sonra gəlib. ABŞ hökumətinin Türkiyəni proqrama qaytarması o anlama gəlirmi ki, iki ölkədə arasında S-400-lərlə bağlı ziddiyyət tarixə qovuşur?

Bu və gündəmdəki digər mövzuları Reaksiya TV-nin rəhbəri Zaur Qəriboğıu ilə müzakirə edirik. Müzakirədə tamaşaçılarımız da iştirak edə bilər.

Видео Xankəndində Rusiya sülhməramlılarının "təntənəli sıra düzülüşü", yoxsa? Zaur Qəriboğlu ilə CANLI канала TV Musavat