Аблязов сделал донос на Косанова и просит Назарбаева снять Косанова с выборов

Сәлем, Қазақстан! Сіздермен бірге Ермек Нарымбай!

Бір нашар жаңалықпен бөліскелі отырмын. Кеше кешке естідім, енді соған қалай деп жауап берген дұрыс деп ойланудамын. Әблязов іс жүзінде билікке заң бұзылды деп Қосановты сайлаудан шығарып тастау туралы донос жасады. Алғашқы доносты ол Тараз қаласынан жасап отыр – оның айтуынша сондағы екі адам арыз жазған, Қосановты кандидаттыққа ұсыну кезінде "Ұлт тағдыры" қозғалысы Тараз қаласындағы бөлімше өкілдерін шақырмаған, яғни оның ұсынылуы заңға сай емес, күмәнді. Соның негізінде ол Бас Прокурорға, Орталық сайлау комиссиясына арыз жазған, онда ол осы жағдайды тексеруді, сөйтіп Қосановты додадан алып тастауды сұрайды.

Мен барлық уақытта оппозицияны бірігуге шақырып келемін. Егер бір-біріңе сұрақтарың болса, келіңіздер, бірлесе отырып талқылайық. Әрі қарай...неге келісеміз, неге келіспейміз – оны да керек болса тікелей эфирде талқылайық деумен келемін. Бәрімізді біріктіретін жобалар жасайық, келіспейтін жерлеріміз болса оны да талқылап ортақ шешім табайық. Мысалы сайлаудан кейін бірлескен митинг жасауға не кедергі – 10,11,12,13, тіпті бір апта бойы митинг жасайық, егер сайлауда фальсификация жасалған болса соны талқылайық, мұнда тұрған еш қарама-қайшылық жоқ. Бұл істе біз, оппозиция, бірлесуіміз қажет. Басқа ештеңеге де алаңдамай, осы сайлаудағы фальсификацияны болғызбауымыз керек қой? Маған Ұзынағаштан бір қыз звондады – күйеуі вахтада, балалары бар,бақылаушы болғым келеді дейді, бірақ мүмкіндігі жоқ екен. Ауылдарда бақылаушы жетіспейді. Осындайларға көмектесудің орнына Әблязов кедергі келтіруге тырысады. Біз 30 жыл бойы оппозицияда отырдық, оның ішінде Әблязовтың өзі де бар, ал не бітті? Әлі күнге дейін қатал бақылаушылық жұмысты жолға қоя алмай келеміз. Адам жетіспейді. Көбі не жасау керектігін де білмейді, ауылдағылар келіп сабақтарға қатыса алмайды, әйтеуір интернет бар, оған да шүкір, үзік-үзік видеолар қарайды, нұсқаулықтарды оқиды. Олардың тәжірибелері жоқ, көбі тіпті сайлауға да қатыспаған, жол-жөнекей оқып жатыр. Осы нашар оқытылған бақылаушылар армиясы, көп учаскелерде саны жетіспесе де, күші анағұрлым басым қарсыласқа қарсы тұруы керек. Біз қазір соғысқа аттанып барамыз, бұл нағыз майдан, біз жеңісті олардың қолдарынан жұлып алуымыз керек.

Мұқтар Қабылұлы, тікелей эфирге шығып осы сайлау туралы сіздің қандай претензияңыз бар, қандай аргументтеріңіз бар – соны неге айтпасқа? Мен екі жыл бойы сізді тікелей эфирде дебатқа шақырумен келемін, алайда сіз үнемі қашақтайсыз. Неге? Келіңіз, айтысайық. Неге үнемі қашасыз, бұрыш-бұрышқа тығыласыз? Шығыңыз. Осы қорқақтығыңыз маған түсініксіз. Осы белгісіздік маған жұмбақ.

Қазір халық сайлауға өзі шыққысы келіп отыр. Олар өздері сайлауды әділ өткізгісі келеді. Сонда 9.06. күні Әблязовшылдар қайда болмақшы? Олар сонда "Аңырақай" шайқасына қатыспай ма? Оны айналып өтпекші ме? Сосын... ааа, олар ұтылып қалды, олардан не дәметесің дей ме? Егер осы сайлауда сіздің жақтастарыңыз болса, мүмкін, ол жауды жеңуге үлес қосатын соңғы тамшы болатын шығар бәлкім? Кішкене ақылдырақ болу керек қой. Бұл жерде Қосановқа қатысты өз амбицияңыздан, өркөкіректігіңізден бас тарта тұру керек қой. Сіз Қосановпен менен артық шайқасқан жоқсыз. Сіздің менімен салыстырғанда Қосановпен қарама-қайшылығыңыз аз. Бірақ мен оны қолдап отырмын, өйткені ол маған ұнағандықтан емес, себебі ол қазіргі таңда ел үшін үлкен шанс болып отыр. Ал сіз кедергі келтіру арқылы ұсақ, қызғаншақ, өз амбициясын жеңе алмайтын төмен адам болып отырсыз. Халық сізден теріс айнала бастады. Сенбесеңіз өзіңіз сұрау салып көріңіз. Мен сұрау салдым. Оған 10 мың адам дауыс берді. Мұншама адам ешбір социологиялық сұрау салуларға қатысып көрген емес. Әрі кетсе 2 мың адам ғана. Қорытындысы: Қосановты 65%-ы жақтап отыр, оның 90%-ы сайлаудағы фальсификацияға қарсы. Ал бойкотшылар ше? Оған бұрын 65% болса, қазір 32%. Осы 32%-дың 70%-ы сіздің позицияңызға қарсы, бақылаушы болуды жақтайды. Қазір сіздің ДВК-шылдар Қосанов жағына шықты, қазір сіздің ДВК-шылдар белсенді бақылаушылар ретінде сайлауға қатысқалы отыр. Сіз жалғыз қалдыңыз. Сіз өзіңіздің осы доносыңызбен жалғыз қалдыңыз. Мен ешқашан да сізді КНБ-шник деген емеспін, есесіне сіз мені үнемі КНБ-шник деп айыптайсыз. Олай болса көрсетіңіз аргументіңізді, қағаздарыңызды, дәлелдемелеріңізді - мен кімге донос жасаған екенмін? Халыққа көрсетіңіз. Бүкіл КНБ генералдары сізден пара алған жоқ па? Бәрі аяқтарыңың ұшымен жүрген жоқ па сіздің алдыңызда?

Есесіне менде сізге сұрақ бар. Осында интернетте 2008 жылдан бері сіздің қолыңызбен жазылған-мыс доностар туралы видео жүр. Онда 20 оппозиция көшбасшыларына жазылған донос бар. Сіз бе әлде сіз емес пе? Мен дәл солай деп нақты айта алмаймын. Қолыңызға қалам алыңыз да камера алдында 40 ауыз сөз, бір бет қағаз жазып көрсетіңіз, біз сосын почеркіңізді салыстырайық. Одан несіне қашасыз?
2019.05.31 время 07.58.45

Видео Аблязов сделал донос на Косанова и просит Назарбаева снять Косанова с выборов канала Ермек Нарымбай