Գժերի հեղափոխություն - Armenian Revolution

Շանթին

Ահա...
Կանգնած եմ ձեր առջև:
Հանգիստ եմ...
Ճակատս` չոր, ձեռքս` հանդարտ:
Խիղճս միայն տագնապում է, երբ կես աչքով, պատահաբար
Տեսնում եմ քո քրտնած դեմքը:
Դողերոցքի մեջ սփրթնած քո ձեռքերով,
Թերթում ես հաստ օրենսգիրքը, որ հայթայթես նոր հոդվածներ:
Հոդվածներ որ ճակատիս վրա դաջես:

Քեզ խղճում եմ...
Գերբը, կախված գլխավերևումդ,
Դարձել է սուրն այն Դամոկլեսի
Ու կարող է ամեն վարկյան ընկնել էդ հաստ վզիդ վրա՝
Ջախջախելով ողնաշարդ:

Վախենում ես՞...
Ասա՛, ինչից՞:
Մի՞թե ինձ չեք զինաթափել,
Մի՞թե ինձ չեք մեկուսացրել,
Մի՞թե դուք չեք իմ մարմինը ճզմում սպիտակ զսպաշապկում:
Ապա ինչի՞ց եք վախենում...

Վախենում եք դուք այլ բանից:
Իմ մտքերից՛...
Մտքեր որոնց չափով զսպաշապիկ դեռ չեք կարել:
Չունեք փամփուշտ մի էնպիսի, որ զորեղ է խոցել նրանց,
Չունեք ճաղեր ու շղթաներ, որ կսանձեն թևերը նրանց:
Այդ պատճառով որոշում եք, դատավճռում...
Որ ես գի՜ժ եմ...

Բնավ՜...թող ես լինեմ:
Սակայն գիտցե՛ք,
Մտքերն էլ իմ գիժ են, վայրա՜գ:
Փաթաթված են ձեր կոկորդին, շնչափողի՛ն:
Բարութով լի այն կարասն է, որ դրված է ձեր տան շեմին
Ու սարսափած ձեր աչքերով, ձեռքիս լուցկու կրակի մեջ
Տեսնում եք ձեր վախճանը գալիք...

Ու թե գիժ եմ...
Ու թե գիժ եմ, ուրեմն կա՜յծ, ուրեմն շա՜նթ,
Ուրեմն Շա՜նթ, ուրեմն պայթյո՜ւն...
Ու կստանաք խենթ գժերի հեղաշրջո՜ւմ...

Շանթ Հարությունյան, ներկայացվող գրքերը և հոդվածաշարը գրվել է 2001-2004թթ, սակայն արդիական է և ընթերցողների համար մտորումների պատճառ կհադիսանա

«Իմ ազգային իդեալը» http://shantharutiunyan.wordpress.com/

Видео Գժերի հեղափոխություն - Armenian Revolution канала Armenian Revolution of Values