Yeni nəsil texnika məhsuldarlığın artmasına səbəb olacaq - B tv

Yeni nəsil texnika məhsuldarlığın artmasına səbəb olacaq - B tv

Yardımlıda yeni dağ kombaynları fermerlərin istifadəsinə verilib.

Bu il ümumilikdə 20 ədəd innovativ dağ kombaynı biçinə cəlb edilib.

Biçin aparacaq yeni 4 ədəd kombaynın bu gün Yardımlıda çətin relyefli sahələrdə test edilərək təqdimatı həyata keçirilib.

Ölkəyə gətirilən yeni nəsil kombaynların gövdəsinin və biçici başlığının artıq dağlıq sahələrdə tənzimlənə bilməsi taxıl sahələrinin genişlənməsinə səbəb olacaq. Kombaynın 6 min litr həcmli iri taxıl bunkeri və 5 klavişli saman-küləş silkələyici qurğusu fermerlərimizin təmiz və bol məhsul yığmasına kömək edəcək.

Əvvəllər fermerlər yalnız meyilliliyi az olan düzənlikli aran rayonlarında suvarma şəraitində taxıl əkinindən məhsul götürə bilirdisə, yeni nəsil kombaynların sayəsində nahamar relyefli dağlıq və dağətəyi rayonlarımızda da dəmyə şəraitində dənli bitkiləri becərə biləcəklər.

Bu il respublika ərazisində Naxçıvan Muxtar Respublikası istisna olmaqla 987 519 hektar taxıl sahəsi mövcuddur ki, bunun 612 min hektarı buğda, 375 mindən çox hektarı isə arpa sahəsidir. Ölkə üzrə biçinə ümumilikdə 1900-dən çox taxılbiçən kombayn cəlb olunub ki, bunun 700-ü “Aqroservis” ASC-yə məxsus olan, 1280-dən çoxu isə fiziki şəxslərin və iri təsərrüfat sahiblərinin istifadəsində olan texnikalardır.
Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Yeni nəsil texnika məhsuldarlığın artmasına səbəb olacaq - B tv канала Baku TV