Əsas xəbərlər 11.11.2020 (Xəbər Saatı) Türkiyədən MÜHÜ AÇIQLAMA !!

“44 günlük böyük vətən müharibəsi nəticəsində Ermənistan məğlubiyyətini qəbul edərək atəşkəsə razı oldu. Bu, Ermənistanın həm müharibə meydanında, həm də siyasi və diplomatik baxımdan məğlubiyyətinin ən böyük göstəricisidir. Paşinyan öz ölkəsini və ordusunu pərişan edərək tarixin zibilli səhifələrinə adını yazdırdı”.

"Yeni Sabah" xəbər verir ki, bu sözləri publika.az-a açıqlamasında Türkiyənin Azərbaycandakı keçmiş hərbi attaşesi, general Yücel Karauz deyib.
General bildirib ki, imzalanan atəşkəs razılaşması Azərbaycanın maraqlarına və müəyyən etdiyi qırmızı xətlərə xidmət edir: “Xüsusilə, digər 3 rayonun alınması, Qazaxda işğal edilən bölgənin azad edilməsi, işğaldan xilas olunan ərazilərə məcburi köçkünlərin geri qayıtması, Ermənistanın hərbi mövcudiyyətinə son verilməsi və qondarma rejimin ləğvi, Qarabağın hüquqi statusu ilə bağlı tələbin olmaması, bundan əlavə, Azərbaycanın 100 il sonra Naxçıvanla quru əlaqəsini bərpa etməsi razılaşmanın müsbət tərəfləridir”.
Onun sözlərinə görə, xalqımızı narahat edən məsələ Ermənistan-Dağlıq Qarabağ təmas xəttinə, yəni Zəngilan-Kəlbəcər xətti və 5 kilometrlik Laçın dəhlizinə rus sülhməramlılarının yerləşdirilməsidir
Azərbaycan Respublikasının Prezidenti İlham Əliyev noyabrın 10-da Türkiyə Respublikasının xarici işlər naziri Mövlud Çavuşoğlunu, milli müdafiə naziri Hulusi Akarı və Milli Kəşfiyyat İdarəsinin rəisi Hakan Fidanı qəbul edib.
Yenisabah.az xəbər verir ki, qonaqları salamlayan Prezident İlham Əliyev dedi:
-Əziz dostlar, hörmətli qonaqlar, Qələbədən sonra ilk görüşümdür, təbii ki, qardaşlarımla görüşdür. Bu gün səhər əziz Qardaşım, cənab Prezident Rəcəb Tayyib Ərdoğanla telefonla danışdıq, söhbət etdik, bu böyük qələbə münasibətilə bir-birimizi təbrik etdik. Eyni zamanda, gələcək işlər haqqında fikir mübadiləsi aparıldı. Əziz Qardaşıma və bütün Türkiyə xalqına bu dəstəyə, həmrəyliyə görə öz adımdan, bütün Azərbaycan xalqı adından bir daha dərin təşəkkürümü bildirdim. Bütün bu 44 gün ərzində qardaş Türkiyənin dəstəyini biz hər an hiss edirdik, bütün Azərbaycan xalqı hiss edirdi. Dünən artıq bəyanatın imzalanmasından sonra Türkiyə televiziyalarında müşahidə olunan mənzərə çox ürəkaçan idi. Yəni, bizim türk qardaşlarımız bu Qələbəyə öz qələbələri kimi sevinirdilər. Onsuz da bu, belədir. Bu, bizim müştərək qələbəmizdir, Türkiyə-Azərbaycan birliyinin təsdiqidir. Bu gün bu birlik tarixdə bəlkə də ən yüksək səviyyədədir. Bütün bu günlər ərzində Türkiyənin vəzifəli şəxsləri, Məclis üzvləri, nazirlər, ictimai fəallar, mətbuat, geniş ictimaiyyət, bizim bütün qardaşlarımız bizə çox böyük dəstək oldular. Bu, bizə əlavə güc verdi, ruh yüksəkliyimizi daha da artırdı. Biz bu gün, əlbəttə, çox xoşbəxtik ki, nəhayət 30 ildən sonra öz dədə-baba torpaqlarımızı işğaldan azad etdik.
Türkiyə Prezidenti Rəcəb Tayyib Ərdoğan ilə rusiyalı həmkarı Vladimir Putin arasında telefon danışığı baş tutub. 
Yenisabah.az "Hürriyet"ə istinadən xəbər verir ki, Ərdoğan Dağlıq Qarabağ münaqişəsinin həlli yolunda dünən vacib addım atıldığını qeyd edib. Türkiyə Prezidenti ölkəsinin və Rusiyanın münaqişəni həl etmək üçün çox çalışdığını, hazırki durumda Ermənistanın atəşkəsə və bəyanatdakı müddəalara riayət etməsinin vacibliyini vurğulayıb.
Ərdoğan Türkiyənin Ermənistan işğalından azad olunan ərazilərdə - Azərbaycan tərəfindən təyin olunacaq bir bölgədə təsis ediləcək Ortaq Mərkəzdə Rusiya ilə birlikdə atəşkəsə nəzarət edəcəyinə və bu mənada Rusiya tərəfinin mühüm məsuliyyət daşıdığını qeyd edib.
“Ölkəmizin bu ərəfədə mümkün olan yeganə şansdan istifadə etməkdən - müharibəyə başlamaqdan başqa yolu yox idi. Unutmayaq ki, ermənilər, konkret Paşinyan komandası Qarabağda Livan və Suriya ermənilərini məskunlaşdırma siyasətini intensiv aparırdı. Bu davam etsəydi, Azərbaycan üçün dəhşətli nəticələri olacaqdı”.

Yenisabah.az xəbər verir ki, bu sözləri politoloq Zaur İbrahimli deyib. 
Ekspert qeyd edib ki, işğal dövründə bölgədə ciddi şəkildə regionu Ermənistana bağlayan kommunikasiyalar qurulurdu, yollar salınır, hava limanları tikilirdi:
Azərbaycan Prezidenti İlham Əliyev Rusiya helikopterinin vurulması ilə bağlı hərtərəfli araşdırma aparılacağına və günahkarların cəzalandırılacağına söz verib.
Yenisabah.az TASS-a istinadən xəbər verir ki, bu sözləri Rusiya Prezidenti Vladimir Putin deyib.
“Azərbaycan Prezidenti məni əmin etdi ki, başladılan cinayət işi çərçivəsində hərtərəfli araşdırma aparılacaq, günahkarlar cəzalandırılacaq”, - deyə V.Putin bildirib.
“Dağlıq Qarabağın statusunu dəqiqləşdirmədən ən azı beş rayonun qaytarılmasını təklif etməliydim”. 

Yenisabah.az xəbər verir ki, bu sözləri Ermənistan Respublikasının baş naziri Nikol Paşinyan xalqa müraciət edərkən bildirib.
O bildirib ki, əvvəlcədən Azərbaycanla danışıqların məntiqini dəyişdirməyə çalışıb:
“Alınmadı. Çünki ərazilərin təslim edilməsi məsələsi danışıqlarda əsas tezis olub. Biz orduya istədiyimiz qədər vəsait ayıra bilmədik”.
Sonda N.Paşinyan peşman olduğunu dilə gətirib. O, bacarmadığını etiraf edib.

Видео Əsas xəbərlər 11.11.2020 (Xəbər Saatı) Türkiyədən MÜHÜ AÇIQLAMA !! канала Musa Media