Qarabağ müharibəsində 19 yaşı tibb bacısı 2 qrup Qarabağ qazisi Natəvan Nəbiyeva İsmayil qizı

25.12.1972-ci ildə Sumqayit şəhərində anadan olub. Doğulduğu Sumqayit şəhərində 1 saylı internat məktəbi bitirdikdən 1987-ci ildə səkkizllik təhsilini başa vurub həmin ildə Sumqayit şəhərindəki 45 saylı orta məktəbə daxil oldu. 1989-ci ildə peşə məktəbini başa vurduqdan sonra keçmiş Lenin küçəsində yerləşən Modalar evində işləyən dərzinin yanında şagird kimi işə düzəldi. 1991-ci ildə seçdiyi peşəni daha dərindən öyrənmək məqsədilə sənədlərini Bakı şəhərindəki Sənayə Pedaqoji texnikumuna verdi və daxil oldu. Daşaltı əməliyyatından sağ çıxmıyan dayısı oğlu Azərin şəhid xəbəri onu bərk sarsıtmışdı. Necə olursa-olsun düşmənlərdən qisas almağa fürsət axtarırdı. Texnikumda bir il əyani şöbədə oxudu. Azğınlaşmış terrorist ermənilərin vəhşi hərəkətlərinə dözə bilməyib. Könüllü cəbhəyə yollanmaq gərarına gəldi. Evdəkilərin narazılığına baxmayaraq, birbaşa Mudafiə Nazirliyinə gəldi. Müraciət ərizəsi yazaraq, cəbhəyə göndərilməsini xahiş etdi. Müdafiə Nazirliyinin binası qarşısından avtobusla cəbhəyə yola düşən əsgər geyimli oğlan və qızların arasında Natəvan da vardı. Bu elə bir vaxt idi ki, artıq Ağdam, Ağdərə bölgələrində ağır döyüşlər gedirdi. Şuşa, Laçın bəzi Azərbaycan əraziləri düşmən tapdağında qalmışdı. Natəvan cəbhə həyatı 1992-ci ilin aprelindən I hərbi Səhra Cərrahiyyə hospitalında fəaliyyətə başladı, fərasətini hiss edib ona tibb təhsil almasını məsləhət gördülər. Natavan üç aylıq tibb kursunu bitirdikdən sonra Ağdamın Qaradağlı kəndində yerləşdirilən hospitala tibb bacısı təyin olundu. N saylı hərbi hissədə xidmət etmiş baş cavuş olub. 23 may 1992-ci ildə tarixindən hospitalın cərrahi-əməliyyat şöbəsində xidmət etmişdir. O, iyun ayından etibarən 1994-cü ilin fevral ayına kimi həmin şöbəsinin kiçik tibb bacısı vəzifəsində çalışıb. Bu müddət ərzində üzərində düşən vəzifənin öhdəsindən layiqincə gəlmiş. Işinə vicdanla yanaşmışdır. Yaralılara tibb bacısı kimi deyil, əsil bacı nəvazişi göstərmiş, onların rahatlığı üçün əlindən gələn köməkliyi əsirgəməmişdir. Çevikliyinə, nizam-intizamına görə başqalarından fərqlənmişdir. Baxmayaraq ki, əvvəllər kiçik tibb bacısı vəzifəsində çalışırdı, eyni zamanda tibb kursunu bitirdikdən sonra tibb bacısı kimi fəaliyyətə başlamışdır. Həmin müddətdən işində yeni-yeni müvəffəqqiyyətlər əldə etmişdir. Dəfələrlə iş müddətində yaralı döyüşçülərə qan vermişdir. Natəvan Ağdərə rayonunun ətrafında gedən ağır döyüşlər zamanı 10 günlüyə Ağdərədə və Cinli kəndində yaralılara ilk tibbi yardım etmək və hospitala daxil olmalarına köməklik göstərmək üçün ezamiyyətdə olmuş, gecəli-gündüzlü çalışmışdır. Butün bu keyfiyyətli işlərinə görədir ki, hərbi hissənin şəxsi heyətinin hörmət və nüfuzunu qazana bilmişdir. Boş vaxtlarında natəvan əsgərlərə evlərinə, nişanlııarına məktub yazmaqda kömək edirdi. Onun üçün ən böyük mükafat döyüşçülərinin sağalıb səngərlərinə, öz xidməti yerlərinə qayıtması idi. Ağdamın işğalından sonra 1993-cü il iyulun 23-də döyüşən hospital qonşu Ağcəbədinin Sarıcalı kəndindəki doğum evinin binasına köçdü. Natavanın ürəyini didib-parçalayan dərd-ələm üstünə bir nisgil də əlavə olunmuşdur. Milli Ordumuzun sıralarında döyüşən qardaşı Fuad Ağdamın Qalayçılar kəndində itkin düşmüdü. ölüsünü-qalasını gördüm deyən yox idi.
Natavan Nebiyeva:
- “Müharibədə mənə ən çox təsir edən yaralı gənclərimizin, cavanlarımızın həyatını xilas edə bilməməyimiz oldu. Düşmən könüllülərimizin, hərbçilərimizin elə bədən orqanından vururdular ki, onun yaşaması tibbdən asılı deyildi. İnsan həyatının gözünün qarşısında sönməsi çox ağır gəlir insana. Can verən igidlərimiz son anda belə, dünyaya gözlərini bağlamaq istəmirdilər, onlarda həyat, yaşamaq ümidi var idi. Şəhidlərimiz, əlillərimiz torpağın və xalqın azad olması üçün can qoydular. Bütün bu arzuolunmaz münasibətlərə baxmayaraq yenidən müharibə başlayarsa, mən döyüşlərə qatılmağa hazıram. Çünki, o çətinliyi görümüşəm, müharibənin nə olduğunu bilirəm. Gənclərimizin önündə gedəcəm. İstəməzdim ki, yenə də gənclərimiz düşmən gülləsinə tuş gəlib həyatları ilə vidalaşsınlar, əlil olsunlar, əsir düşsünlər, girov götürülsünlər. Gəncələrə qıymıram”.
Torpaq qədər səxavətli, göy qədər qəlbi geniş Vətən qızını yaddaşlarda, ürəklərdə yaşatmaq borcumuzdur. Qoy Natəvanın bundan sonrakı ömrü nurlu, çiraq kimi işıqlı olsun.

Видео Qarabağ müharibəsində 19 yaşı tibb bacısı 2 qrup Qarabağ qazisi Natəvan Nəbiyeva İsmayil qizı канала Şəhid Rəşid Mehdiyev