Поэзия - Мені ойлайтын бір жан бар!

Мені ойлайтын бір жан бар...
~
Ойламаңдар ешбірің, алаңдама,
Мені ойлайтын бір жан бар — Анам ғана!
Ол — қорғаушы періштем өмірдегі,
Тұратын жан болсын деп маған ғана.
~
Іздемейтін кезі жоқ, сағынбаған,
Жүре берші, анашым, жанымда аман!
Анам барда ешқашан қартаймаймын,
Қамалдар да болмайды алынбаған.
~
Тәрбиесін үйренгем қабағынан,
Әр сөзінен жүректе қалады мән.
Анам барда сөнбейді отым мүлде,
Жарқылдаған нәр алам жанарынан.
~
Ренжіткенмін қанша рет бүгін, кеше?
Жадыраймын, қуанам күнім десе.
Аспанымнан бар қайғым жоғалады,
Құшақтаса, ботам деп күлімдесе.
~
Авторы: Нұрбек Бекұлы

Видео Поэзия - Мені ойлайтын бір жан бар! канала Жүрек мұңы