Балаларға базарлық

#qyzylordatv
«Отбасы орталығында» Халықаралық балаларды қорғау күніне орай «Бала – барың, өмір нәрің» атты іс-шара өтті. «Атамекен» балалар ауылының тәрбиеленушілеріне арналған мерекелік кеште түрлі шоу-бағдарламалар ұйымдастырылып, концерттік бағдарлама қойылды.

Бала - көздің нұры, көңілдің гүлі, өмірдің сәні, отбасының мәні. Сондықтан әлемде сәбидің шат күлкісінен асқан бақыт жоқ. Іс-шараның мақсаты – балаларға қуаныш сыйлап, қоғамның қамқорлығы мен мейірімін сезіндіру. Мерекелік кеште аниматорлардың қатысуымен түрлі ойындар ойнатылып, шоу-бағдарламалар мен шар ұшыру рәсімі ұйымдастырылды.
Шарада «Келбет» би ансамблі мен «Сыр жұлдыздары» шығармашылық- инновациялық академиясының талантты өрендері өнер көрсетті.

Мерекелік бағдарлама соңында бүлдіршіндер естелік суретке түсіп, арнайы дайындалған дастарханнан дәм татты. Қамқорлық пен мейірімге толы бұл күн балалардың есінде ұзақ уақыт сақталары сөзсіз.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylorda_tv
Tiktok - https://www.tiktok.com/@qyzylorda_tv/

Видео Балаларға базарлық канала QYZYLORDA TV / Қызылорда телеарнасы