Фожиали рақс: Ўзбекларда қаерда бачабозлик одати қолган?

#bbcuzbek
Бачабозлик Ўзбекистон ҳудудлари, Афғонистон, Туркия ва Марказий Осиёда қадимдан бўлган.

Аёллар рақс тушиши тақиқланган жамиятда ёш ўғил болаларга аёл кийимини кийдириб, ўйинга туширишган.

Бачабозлик Ўзбек маданиятида ҳатто махсус жанр яратишга асос солган ва бачабозлик ашулалари яратилган.

"Жонон бўламан деб, ҳаммани куйдирасанми?" мисралари билан бошланадиган бачабозлик ашуласи ҳали ҳамон Ўзбекистонда машҳур.

Ҳатто атоқли ўзбек ёзлувчиси Абдулла Қодирий ҳам ўзининг шоҳ асарларида ўша пайтлари чуқур илдиз отган бачабозлик одатларига эътибор қаратган.

Бироқ бу анъананинг даҳшатли ва фожиали жиҳати ҳам бор:

Кўпинча бача деб аталадиган бу болалар жинсий зўрланган.

Ўзбекистонда 20-аср бошида йўқолган бу одат, Афғонистонда ҳамон тирик.

Етим ёки қаровсиз болаларни қуролли ёки бой одамлар бача сифатида сақлашади.

Уларнинг кўпи жинсий таҳқирланади ёки зўрланади.

Буни жамиятда кўпчилик билса ҳам, аксарияти унга кўз юмади.

ББС Ўзбек Хизмати журналисти Рустам Қобил 2010 йили Афғонистон шимолидаги ўзбеклар орасида бачабозлик тарқалишини ўрганган.

Видео Фожиали рақс: Ўзбекларда қаерда бачабозлик одати қолган? канала BBC Uzbek