ЕСІМДЕР СЫРЫ «Жаңа қадам»

Баласына әдемі, мәнді есім беру ата-ананың бір парызы емес пе?! Солардың арасында есте тез сақталатын ерекше атаулар да бар, әрине! Негізінде, жаңа туылған сәбиге ат қоюда нені ескерген жөн? Есім адамның тағдырына әсер ете ме? Мағынасы әдемі болуынан бөлек, ол заманға, ортаға, тілге де сәйкес болуы керек. Бертін келе есімдерді зерттейтін Антропонимика ғылымы шықты. Біздің елімізде әлі белең алмаса да керек ғылым болып тұр. Себебі адамға ат таңдамас бұрын бір есімнің әдеби және диалектілік, ресми және бейресми түрлерін ажыратып қарастыруымыз дұрыс болар. Жалпы, балаға есім қойғанда ескеріле бермейтін ережелер бар ма? Адамға есімнің ауырлық етуі рас па? Ел арасында қызға Ұлмекен, Ұлболсын деп ырымдап есім қою қаншалықты дұрыс? Өмір есігін жаңа ашқан нәрестеге жарасымды ат беру – әрбір халық үшін маңызды. Адам есімі өзі өмір сүрген қоғаммен, қоршаған ортамен әдемі ұйқас құрғаны дұрыс. Есімдер де халық тіліндегі сөздер сияқты өмір сүріп, ескіріп әрі жаңарып, ұрпақтан ұрпаққа жалғасып отырады. Ең бастысы балаңыз - есімі ел есінде жақсы жағынан қалатындай өмір сүрсін.

Видео ЕСІМДЕР СЫРЫ «Жаңа қадам» канала EL ARNA