Мәселе қашан шешіледі? Ашынған маңғыстаулықтар Нұрлан Ноғаевты өздері іздеп барды

Жаздай қуаңшылықтың зардабын тартып, шығынға шаш етектен батқан Маңғыстау облысындағы шаруалар бүгін облыс әкімі Нұрлан Ноғаевты өздері іздеп барды. Сөйтсе, аймақ басшысы кабинетінде болмай шықты. Әбден ашынған шаруалар мәселені әкімнің өзіне ғана жеткіземіз дейді. Жағдай бұлай жалғаса берсе өңірде аша тұяқ мал қалмайды деп дабыл қағып отыр шаруалар. Ал әкімнің орнына мал иелерінің шағымын тыңдаған ауыл шаруашылығы басқармасының жаңа басшысы үкіметтен көмек беріліп жатыр деп міз баққан жоқ.
Қуаңшылықтан әбден қысылған шаруалар бүгін облыс әкімі Нұрлан Ноғаевты әкімдікке өздері іздеп келді. Бірақ қорадағы малына азық таппай қиналған бір топ азамат бар шаруасын ысырып келгенде, Ноғаев мырза кабинетінде болмай шықты. Дегенмен шаруаларды ауылшаруашылығы басқармасының басшысы тыңдады.
ӘДІЛБЕК САҒЫНДЫҚ, шаруа:
– Мен айттым ең болмаса қазіргі құнын 50-60 пайызға арзандатыңдаршы дедім жем мен шөптің құнын. Сен малды мен үшін бағып жүрген жоқсың деп алып, бүй дейді. Ауғанстанға 58 мың тонна бидай жіберіп жатырмыз дейді. Мен айтамын «Ауған қазақ үшін соғысып жатыр ма? Сонда Ауғанстанға сондай көмек жасап жатқанда мына өзіміздің қара халық қазақтың баласына неге көмек жасамасқа?
Мал баққан азаматтар Маңғыстау облысында төтенше жағдай жариялау туралы ұсыныс білдіргісі келген. Төтенше жағдай жарияланып, мемлекеттен көмек берілсе, өңірдегі қалған мал басын аман алып қалуға болады дейді олар. Сонымен қатар құдық қазу, жайылым және шабындық жерлерді дұрыс игеруге көңіл бөлінсе дейді. Одан бөлек, Маңғыстаудың жабы жылқысын және түйесін асыл тұқымды мал қатарына енгізіп, заңнамаларда көрсетілген түрлі көмектер берілсін деп отыр.
ҚАЗБЕК ТӘШІМОВ, Маңғыстау облысы ауыл шаруашылық басқармасының басшысы:
– Мал азығы да шаруа қожалықтарында тапшы екенін көріп отырмыз. Мал азығы нашар болғандықтан малдың да күйі, құндылығы өте төмен. Бірақ оған қарамастан үкімет тарапынан көмек көрсетіліп жатыр. + Қап-қазір әкім келе алады деп айта алмаймын. Әкімнің де жоспарланған шаралары бар.
Қазбек Тәшімов жуырда ғана облыстың ауылшаруашылығы басқармасына басшы болып тағайындалған. Оның айтуынша, қазіргі уақытта қысқы мал азығы үшін 68 мың тонна шөп, 30 мың тоннадан астам жем қоры дайын тұр.
Махаббат Нұржанықызы, Мұхаммед Шадкам
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Маңғыстау #қуаңшылық #шаруалар #наразылық #НұрланНоғаев

Видео Мәселе қашан шешіледі? Ашынған маңғыстаулықтар Нұрлан Ноғаевты өздері іздеп барды канала Информбюро 31