„Светот - карантин за лепрозните“ - акад. Ферид Мухиќ (8. Филозофски Филмски Фестивал, 12.04.2018)

Излагањето насловено „Светот - карантин за лепрозните“ на академик Ферид Мухиќ по проекцијата на австралискиот филм ОГРАДА ПРОТИВ ЗАЈАЦИ (Rabbit-Proof Fence, 2002) на режисерот Филип Нојс / Philippe Noyce. Настанот беше организиран во рамките на Ревијалната програма на 8. Филозофски Филмски Фестивал во Скопје и се одржа на 12 април 2018 год. во Кинотеката на Македонија. Фестивалот е организиран од Филозофското друштво на Македонија.

Акад. ФЕРИД МУХИЌ е филозоф, поет, планинар. Предавал филозофија (Нововековна филозофија, Современи филозофски правци, Филозофска антропологија, Филозофија на религија, Филозофија на политика) на Институтот за филозофија при Универзитетот „Св. Кирил и Методиј“, Скопје. Сега е емeритус професор на IBU и пратеник во Собранието на Република Македонија. Како визитинг професор по Современа западна мисла држел предавања на повеќе универзитети во Европа, САД, Малезија и Сингапур. Покрај големиот опус авторски книги од областа на филозофијата, пишува и поезија и проза, со кои е застапен во филозофски и книжевни антологии во повеќе земји, а преведуван е на десеттина јазици.

Повеќе за Фестивалот може да се најде тука: www.philosophicalfilmfestival.mk

Видео „Светот - карантин за лепрозните“ - акад. Ферид Мухиќ (8. Филозофски Филмски Фестивал, 12.04.2018) канала Philosophical Film Festival