Qusmadan sonra NƏLƏR YEMƏK OLMAZ?

#BirBax #xalqtəbabəti #qusma
#ürəkbulanma #mədə #bağırsaq #bağırsak
Qusduqdan sonra nə etmək lazımdır? Nələr yemək olmaz?
Hər bir insan istənilən anda qusma problemi ilə üz-üzə qala bilər. Qoxu da, stress də keçib gedir, gərginlik azalır, amma mədənin funksiyasını normala qaytarmaq üçün mütləq hansısa addım atılmalıdır. Qusma prosesi bəzən elə yerdə, elə zamanda baş verər ki, əliniz həkimə çatmır. Bu zaman nə etmək lazımdır? Videoda sualın cavabını tapacaqsınız… Vurğulayım ki, tövsiyə edilən üsullar mütəxəssislərin ortaq qənaətidir.

Öncə, qusmanın səbəblərindən danışaq. Həyatın nizamını pozmursa, müntəzəm şəkildə baş vermirsə qusma əndişə səbəbinə çevrilməməlidir. Qusduqdan sonra təmiz hava almaq, bir az uzanmaq, dərin-dərin nəfəs almaq insanın özünü nisbətən rahat hiss etməsinə gətirib çıxarır. İlıq duş almaq da yaxşıdır. Amma bütün bunları o zaman ürəklə etmək şansı olar ki, qusmanın səbəbini biləsiniz.

Qusmanın səbəbləri:

Mədə soyuqlaması;

Qida zəhərlənməsi;

Mədə xorası;

Hamiləlik;

Kəsməyən baş ağrısı, miqren tutmaları;

Qarın-mədə nahiyəsində şiddətli ağrı;

Bir öynədə həddən artıq yemək;

İnfeksiya;

Gün vurması;

Stress və panika;

Həddən artıq həyəcan və kədər;

Gərgin fiziki aktivlik;

Əndişə;

Yolçuluq;

Uzunmüddətli aclıqla bərabər dayanmadan hərəkətdə olmaq;

Qapalı, dar, havasız məkanda uzun müddət qalmaq;

Gördüyünüz kimi, qusmanın müxtəlif səbəbləri var. Bəs qusmamaq üçün nə etmək lazımdır?

-orqanizmin maye ehtiyacını ödəmək;

-asta-asta, lazımi qədər yemək;

-uzun müddət ac qalmamaq;

-yeməkdən sonra mədəyə bir az istirahət vermək;

-yeməkdən sonra ağır işdən və bol hərəkətlilikdən uzaq qalmaq;

-soyuq və ya qaynar qidalar yerinə, otaq temperaturunda olan qidalar yemək;

- qapalı, havasız, tüstü olan yerlərdə uzun müddət oturmamaq;

-bol ədvalı, acı, şirin qidalar yerinə, asan həzm olunan, sağlam qidalar seçmək;



Qusmadan sonra orqanizmin özünü toparlamasına kömək edəcək qidalar və içkilərlə tanış olaq:

Otaq temperaturunda olan su. Qusma zamanı orqanizm xeyli maye itirir. Otaq temperaturunda olan sudan içməklə vəziyyəti düzəltmək şansı var. Lakin bu suyu birnəfəsə deyil, az-az, udum-udum içmək lazımdır. Çalışmalıyıq ki, mədə gücə düşməsin. Bundan başqa, içilən suyun təmizliyindən də əmin olmalıyıq. Suya bir-iki dilim limon da əlavə etmək olar;

Limonlu nanə çayı. Ürəkbulanma, soyuqdəymə zamanı dəmlənən bu çayı balla dadlandıra bilərsiniz. Nanə-limon birləşməsi mədəni rahatladır, həzm problemlərinin qarşısını alır. Bu çayı da qaynar deyil, ilıq halda için. Qusmadan sonra ağızda qalan acı dadı yox edəcək, hər udumda özünüzə gəlməyinizə yardımçı olacaq;

Banan. Qusmadan sonra ürəkbulanmanın yenidən başlamaması üçün ən yaxşı seçim banandır. Bağırsaq xəstəlikləri zamanı həkimlərin rasiona daxil etdiyi banan enerji verir, toxluq hissi yaradır və asan həzm olunur. İştahı açmaq, qusmadan sonra mədə-bağırsaq traktının işini normallaşdırmaq da bananın hünərlərindəndir;

Zəncəfil çayı. Ürəkbulanma, həzmsizlik, soyuqdəymə, boğaz ağrısı, göbələk infeksiyaları kimi hallarda zəncəfil ən əlçatan çarələrdəndir. Antioksidant xüsusiyyəti sayəsində mikroblarla savaşır, toksinləri orqanizmdən xaric edir. Ürəkbulanmanı azaldır, boğazın şişməsinin qarşısını alır, insanı gümrahlaşdırır. Zəncəfil çayının dadı acıdır. Bal və limon qataraq içə bilərsiniz. Qusmadan sonra qızdırma, baş ağrısı kimi hallar varsa, demək, orqanizmin müqaviməti aşağı düşüb. Həkimə müraciət edin, amma həkimə çatanadək də zəncəfil çayı için;

Mixəkli su. Qədimdə nanəli saqqız yox idi. Onun əvəzinə əcdadlarımız ağızdakı pis qoxunu yox etmək üçün mixəkli su içirdilər. Depressiyaya düşməyə qoymayan, stressi azaldan, əndişəni yox edən mixəkli su mikrob və bakteriyalarla savaşmaqda da mahirdir. Mədənin köpməsinə mane olur, həzmi asanlaşdırır. 200 ml suyu dəmir qaba tökün, içinə mixək atın və qaynadın. Sonra soyudaraq ilıq halda için;

Kraker. Çox adam yol çıxanda kraker alır. Bunun səbəbini belə izah edirlər: “Ürəkbulanmanın qarşısını alır”. Xüsusilə, az yağlı, duzlu krakerlər qusmadan sonra mədənin özünü rahat hiss etməsinə səbəb olur;

Видео Qusmadan sonra NƏLƏR YEMƏK OLMAZ? канала Bir Bax