#ទុក្ខស្ត្រី || សម្ដេចព្រះព្រហ្មរតនមុនិ ពិន សែម PIN SEM/ PEM Official

សូមស្វាគមន៍មកកាន់ Channel #PEM Official #សូមចុច_subscribe_ដើម្បីបានស្ដាប់និងមើលវីដេអូសម្ដែងព្រះធម៌ថ្មីបន្តទៀត
បង្កើតឡើងដើម្បីផ្វព្វផ្សាយព្រះពុទ្ធវចនៈរបស់ព្រះសម្មាសម្ពុទ្ធ ដែលសម្ដែងឡើងដោយសម្ដេចព្រះព្រហ្មរតនមុនី ពិន សែម ព្រះគ្រូចៅអធិការវត្តរាជបូណ៌ ប្រគេន-ជូនដល់ព្រះករុណាជាម្ចាស់ និងពុទ្ធមាមកជនគ្រប់រូប បានស្ដាប់ដើម្បីទទួលបាននូវចំណេះដឹង ឬមេរៀនរបស់ព្រះពុទ្ធច្បាស់លាស់ ហើយយកទៅឆ្លើយតបជាមួយនឹងជីវិតរស់នៅប្រចាំថ្ងៃ ឱ្យមានសេចក្ដីសុខទាំងផ្លូវចិត្ត និងផ្លូវកាយគ្រប់ទិនទិវា... ។
សូមឱ្យព្រះករុណាជាម្ចាស់ និងពុទ្ធមាមកជនគ្រប់រូប ទទួលបាននូវបុណ្យកុសលគ្រប់ប្រការ និងទីបំផុតជាតិសូមឱ្យបានជាបច្ច័យរួចផុតចាកទុក្ខទាំងអស់គ្នា ។

មនុស្សយើងទុក្ខធំស្មើគ្នា មាន ៤ យ៉ាង កើត ចាស់ ឈឺ ស្លាប់ ។ ចំណែក #ស្ត្រី មានទុក្ខធំ ៥ យ៉ាងទៀត គឺ ៖
១. #ទុក្ខព្រោះរោគប្រចាំខែ
២. #ទុក្ខព្រោះពរពោះ ចាញ់កូន ដេកមិនបាន ហូបមិនបាន ញ័រខ្លួនឱ្យគគ្រឹក
៣. #ទុក្ខព្រោះប្រសូតកូន ៖ មុនពេលសម្រាលកូន ស្ត្រីមានការឈឺចុកចាប់យ៉ាងខ្លាំង ស្រែកថ្ងួចថ្ងូរ យំផង ស្រែកផង ទម្រាំសម្រាលកូនរួច ម៉្លោះហើយ បានជាបុរាណលោកថា “បើចង់ដឹងផ្គរឱ្យស្ដាប់ក្នុងពោះ ចង់ដឹងស្លាប់រស់ឱ្យសួរស្រី ៗ” ។
៤. #ទុក្ខព្រោះបម្រើប្ដី
៥. #ទុក្ខព្រោះបែកឃ្លាតចាកម៉ែឪ បងប្អូន ដែលធ្លាប់ថ្នាក់ថ្នម ធ្លាប់ស្រឡាញ់ផ្គាប់ផ្គុនជាយូរមកហើយ ដើម្បីមកបម្រើប្ដី ។
ការលើកយក សេចក្ដីទុក្ខរបស់ស្ត្រី មកបង្ហាញនេះ បំណងចង់ឱ្យបុរស ៗ ទាំងឡាយបានដឹង បានយល់ច្បាស់ក្នុងចិត្តថា ស្ត្រីគ្រប់រូប ជាម្ដាយក៏ដោយ ជាបងស្រីឬប្អូនស្រីក៏ដោយ ជាស្ត្រីទូទៅដទៃទៀតក្ដី គឺសុទ្ធតែមានសេចក្ដីទុក្ខទាំងអស់នេះ ដូច ៗ គ្នាទាំងអស់ ។ ដូច្នេះហើយ តោងប្រុសគ្រប់គ្នា ត្រូវចេះស្រឡាញ់ ឱ្យតម្លៃ និងចេះថ្នាក់ថ្នមស្ត្រីឱ្យបានច្រើន មិនត្រូវប្រព្រឹត្តផិតក្បត់ចិត្តភរិយា ទៅលបលួចមានស្ដ្រីដទៃទៀតក្រៅពីប្រពន្ធរបស់ខ្លួនឡើយ ។

#ទុក្ខ សេចក្ដីព្រួយ, សេចក្ដីលំបាក (កាយនិងចិត្ត) : កើតទុក្ខ, មានទុក្ខ ។ ពាក្យផ្ទុយ : សុខ ។ ឈ្មោះអរិយសច្ចទី ១ (ក្នុងអរិយសច្ចទាំង ៤) បានខាងសេចក្ដីទុក្ខដែលកើតអំពី ជាតិ, ជរា, ព្យាធិ, មរណៈ, សេចក្ដីសោកស្ដាយ, ខ្សឹកខ្សួល, លំបាកកាយ, តូចចិត្ត, ទង្គឹះតានតឹងចិត្ត; ហៅឲ្យពេញថា ទុក្ខអរិយសច្ច ឬ ទុក្ខសច្ច ។
#ទុក្ខក្ខន្ធ គំនរទុក្ខ, កងទុក្ខ គឺប្រជុំនៃសេចក្ដីទុក្ខគ្រប់យ៉ាង ។
#ទុក្ខក្ស័យ ដំណើរអស់ទុក្ខ, ទីអស់ទុក្ខ (ព្រះនិព្វាន) : ព្រះអរហន្តទាំងឡាយ លោកបានដល់នូវទុក្ខក្ស័យហើយ; ព្រះនិព្វានជាទុក្ខក្ស័យ ។
#ទុក្ខនិរោធ សេចក្ដីរំលត់ទុក្ខ; ទីរំលត់ទុក្ខ (ព្រះនិព្វាន), ជាឈ្មោះនៃអរិយសច្ចទី ៣ (ក្នុងអរិយសច្ចទាំង ៤) បានខាងដំណើររំលត់តណ្ហាអស់ មិនមានសល់; ហៅឲ្យពេញថា ទុក្ខនិរោធអរិយសច្ច ឬ ទុក្ខនិរោធសច្ច ។
#ទុក្ខនិរោធគាមិនី សេចក្ដីប្រតិបត្តិជាផ្លូវឬជាឧបាយឲ្យរលត់ទុក្ខ (អដ្ឋង្គិកមគ្គ), ជាឈ្មោះនៃអរិយសច្ចទី ៤ (ក្នុងអរិយសច្ចទាំង ៤) បានខាងផ្លូវមានអង្គ ៨ គឺ សេចក្ដីយល់ត្រូវ, តម្រិះត្រូវ, ការស្ដីនិយាយត្រឹមត្រូវ, ការងារត្រឹមត្រូវ, ការចិញ្ចឹមជីវិតត្រឹមត្រូវ, ព្យាយាមត្រូវ, ការរឭកត្រូវ, ដំណើរតាំងចិត្តខ្ជាប់ខ្ជួនត្រូវ ហៅឲ្យពេញថា ទុក្ខនិរោធគាមិនីបដិបទាអរិយសច្ច ឬហៅថា មគ្គសច្ច ក៏បាន ។
#ទុក្ខនិរោធសច្ច សេចក្ដីរលត់ទុក្ខជាធម៌មានពិត ។
#ទុក្ខបរិញ្ញា កំណត់ដឹងច្បាស់នូវទុក្ខ, កំណត់បានថាជាទុក្ខ, ប្រាជ្ញាដែលកត់សម្គាល់យល់ថាជាទុក្ខ ។
#ទុក្ខវេទនា ដំណើរដឹងនូវសេចក្ដីព្រួយ, លំបាក; ដំណើររងអារម្មណ៍ ឬទទួលអារម្មណ៍ជាទុក្ខ, សេចក្ដីសោយទុក្ខ ។ ហៅត្រឹមតែ វេទនា ប៉ុណ្ណេះ ក៏គង់សំដៅសេចក្ដីថា ទទួលរងអារម្មណ៍ជាទុក្ខដែរ : រងវេទនា ។ ខ្មែរយើងប្រើជា កិ. ក៏មាន : វេទនាណាស់ !, វេទនាអ្វីម៉្លេះទេ! ឬ វេទនាអ្វីម្ល៉េះហ៎្ន ! ។

#ស្រី ពាក្យសម្រាប់ប្រើជាសាធារណៈ ឃ្លាតមកពីពាក្យសំស្រ្កឹតថា ស្ត្រី គឺមនុស្សជាតិដែលមានភេទទីទៃពី ប្រុស (បុរិសៈ ឬ បុរស), ទីទៃពី ខ្ទើយ (បណ្ឌក); ត្រូវប្រើឲ្យស្របគូគ្នាថា ស្រី-ប្រុស ឬ ប្រុស-ស្រី; កុំប្រើថា ស្ត្រី-ប្រុស ឬ បុរស-ស្រី ឡើយ, ត្រូវប្រើថា បុរសស្ត្រី ឬ ស្ត្រី-បុរស ទើបស្របគ្នា : ប្រុសស្រីជាប្តីប្រពន្ធ, បុរសស្ត្រីជាស្វាមីភរិយា (ប្រើពាក្យស្របគ្នាយ៉ាងនេះទើបសម) ។
#ពាក្យកាព្យថា : ស្រីប្រុសទាំងទ្វី ជាគូមានពី- បុរាណព្រេងនាយ ស្រីជាប្រពន្ធ ប្រុសទោះសម្ទាយ បណ្ឌិតទាំងឡាយ ឲ្យឈ្មោះថាប្តី ។ ស្ត្រីនិងបុរស ក្នុងលោកទាំងអស់ ភរិយាស្វាមី គឺប្តីប្រពន្ធ ហ្នឹងឯងលោកស្ដី ជនក្នុងលោកីយ៍ ហៅបានតាមថ្នាក់ ។ ប្តីជាអ្នករក ទ្រព្យធនបានមក ប្រពន្ធទុកដាក់ ចាស់ទុំបុរាណ បានពោលបញ្ជាក់ ឲ្យនាងឲ្យអ្នក ចងចាំគ្រប់ប្រាណ ។ សំណាបយោងដី រីឯស្រីៗ យោងប្រុសសាមាន្យ ទោះមារយាទខ្សោយ- ក៏ដោយបើបាន ស្រីមានសន្ដាន ខ្ជាប់ខ្ជួនមួនមាំ ។ តែងបានចម្រើន ទ្រព្យាកើតកើន ព្រោះស្រីថែទាំ ចាត់ចែងទុកដាក់ ចេះលាក់សន្សំ សង្វាតខិតខំ រក្សាឲ្យគង់ ។ល។

ដើម្បីស្ដាប់និងទស្សនាវីដេអូផ្សេង ៗ ទៀត សូមចុច ៖
👉 Subscribe និងសញ្ញារូបកណ្ដឹង
👉 Comment
👉 Like
👉 Share
#សូមចុច_subscribe_ដើម្បីបានស្ដាប់និងមើលវីដេអូសម្ដែងព្រះធម៌ថ្មីបន្តទៀត
សូមអនុមោទនា !!!

Видео #ទុក្ខស្ត្រី || សម្ដេចព្រះព្រហ្មរតនមុនិ ពិន សែម PIN SEM/ PEM Official канала PEM Official