Bizim əsas vəzifəmiz Rusiya qoşunlarının Azərbaycandan çıxarılması yöndə xətt yürütməkdir

Ümid Partiyasının sədri İqbal Ağazadə 26 mart 2022-ci il Kanal 13 İnternet Televiziyasında canlı efir qonağı olub.

Veriliş “Rusiyanın uğursuzluğu Xankəndinin bizə qaytarılmasına səbəb olacaqmı?” mövzusu ətrafında baş tutub.

Partiya sədri deyib ki, bizim əsas vəzifəmiz Rusiya qoşunlarının Cənubi Qafqazdan, demək, həm də Azərbaycan ərazisindən çıxarılmasına yönəlik bir xətt yürütməkdir. Bunun da tərkibində Xankəndi, Xocalı, Əsgəran, Ağdərə və Xocavəndin separatçı ermənilərdən təmizlənməsi siyasətindən daha çox, rus qoşunlarının çıxarılması siyasəti prioritet təşkil etməlidir. Biz kimsənin provokasiyasına uymamalıyıq. Kimsə də rusun regionda möhkəmlənməsinə xidmət edən xəttə qol qoymasına yardım etməsin. Əks halda, Rusiyanın qoşunlarına verilən status Pənahəli xanla Çələbi xanın döyüşünü xatırladan bir statusa bənzəyər. Azərbaycan tərəfi hücuma keçər, qərb Rusiyanın bizim ərazimizdə olan qoşununa sülhməramlı statusu verər, qalma vaxtını beynəlxalq güclər müəyyən edər. Biz çox yaxşı bilirik ki, rus olan yerdə nə sülh var, nə də sülhməramlı. Prosesi gözləmək lazımdır, bu durumda kiminsə provokasiyasına getmək Azərbaycanı çox çətin bir dönəmə salar.

Tam efirin kanaldakı linki:
https://www.youtube.com/watch?app=desktop&v=dQPFKqiSYjU&feature=youtu.be&fbclid=IwAR3jF8hqcsqGkRjmw-rmWr4tZdchTCVvNXuqVi-BfWU_-z5vrn4L3lkIJJ8

Видео Bizim əsas vəzifəmiz Rusiya qoşunlarının Azərbaycandan çıxarılması yöndə xətt yürütməkdir канала İqbal Ağa-zadə