Қазақстан әлемдегі ең бай 50 елдің қатарында

Американдық Global Finance Magazine басылымы түзген дәулетті мемлекеттердің тізімін Катар бастап тұр.

Ондағы жан басына шаққандағы жалпы ішкі өнім 146 мың долларға жуықтаған. Люксембург пен Сингапур екінші және үшінші сатыларда.

Посткеңестік мемлекеттердің арасында Литва ең дәулетті деп танылып, 41-ші орыннан табылған. Балтық жағалауындағы елдің жалпы ішкі өнімі 28 мың доллардан асады. Одан кейін Эстония.

Ал Қазақстан алғашқы елулікті түйіндеп тұр.

Басылым еліміздегі жан басына шаққандағы жалпы ішкі өнім көлемі 25 мың доллардан асады деп көрсеткен.

185 мемлекетті қамтыған тізімнің соңында Малави, Конго Демократиялық Республикасы және Орталық Африка Республикасы. Соңғысындағы жалпы ішкі өнім деңгейі мың долларға да жетпейді.

Аталған тізім Дүниежізілік банк пен Халықаралық қаржы қорының мәліметтері негізінде құрылып, халықтың сатып алу қабілеті мен өмір сүру деңгейі, елдердегі инфляция көрсеткішін есепке ала отырып әзірленеді.

Видео Қазақстан әлемдегі ең бай 50 елдің қатарында канала novosti khabar2016