Jenna Norodom 9 Years Old Cover Tong Tong Cha Remix

កាលពីថ្ងៃទី ១១ ខែមករា ឆ្នាំ២០២១កន្លងទៅនេះ ខ្ញុំមានសប្បាយរីករាយណាស់ដែលបានចូលរួមជាកិត្តិយសក្នុងកម្មវិធី ប្រកាសជ័យលាភីនៃការប្រកួតកីឡារាំជ្រើសរើសជើងឯកថ្នាក់ជាតិប្រចាំឆ្នាំ២០២០ ជាមួយលោកជំទាវ តាន់ គីមហួយ កែ គីមសែ តំណាងសម្តេចព្រះមហាក្សត្រី ព្រះវររាជមាតាជាតិខ្មែរ សម្តេចយាយទួត និង លោកជំទាវ ឆៃ ច័ន្ទរិទ្ធីសូលីដា រដ្ឋលេខាធិការក្រសួងព័ត៌មាន និងជាអនុប្រធានកិត្តិយសសហព័ន្ធកីឡារាំកម្ពុជា តំណាងដ៏ខ្ពង់ខ្ពស់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ជាគណៈអធិបតីនៃកម្មវិធីនេះ។
កីឡារាំ ជាកីឡាមួយប្រភេទដែលមានប្រយោជន៍សម្រាប់សុខភាពរបស់ពុកម៉ែបងប្អូនទាំងអស់ ដែលអាចកំសាន្តលំហែផង និងហាត់ប្រាណដើម្បីសុខភាពផង។ កម្មវិធី ប្រកួតកីឡារាំថ្នាក់ជាតិប្រចាំឆ្នាំ២០២០នេះ រៀបចំឡើងដោយ សហព័ន្ធកីឡារាំកម្ពុជា ដែលមានលោកជំទាវ ញ៉ែម មរកតជាប្រធាន។
ទន្ទឹមនិងនេះផងដែរ លោកជំទាវ ញ៉ែម មរកត ប្រធានសហព័ន្ធកីឡារាំកម្ពុជា បានផ្តល់កិត្តិយសយ៉ាងធំធេងមួយដល់រូបខ្ញុំ ដោយលោកជំទាវបានដាក់សំណើរសុំមួយស្នើទៅសម្តេចព្រះមហិស្សរា នរោត្តម ចក្រពង្ស ឧត្តមក្រុមប្រឹក្សាផ្ទាល់ព្រះមហាក្សត្រ និងជាសមាជិកក្រុមប្រឹក្សាធម្មនុញ្ញាត ព្រមទាំងជាព្រះស្ថាបនិកក្រុមហ៊ុន NCJ Empire Studio សម្តេចតានៃខ្ញុំដើម្បីអោយខ្ញុំក្លាយជា ឯកអគ្គរាជទូតសុឆន្ទះរបស់សហព័ន្ធកីឡារាំកម្ពុជា នេះ។
ដោយមានការសម្រេចព្រះទ័យព្រះអនុញ្ញាតព្រះរាជទានពីសម្តេចតាព្រះមហិស្សរានៃខ្ញុំ ព្រមទាំងការស្រឡាញ់របស់ខ្ញុំផង ខ្ញុំក្លាយជាឯកអគ្គរាជទូតសុឆន្ទះរបស់សហព័ន្ធកីឡារាំកម្ពុជា ពីពេលនេះតទៅ ហើយខ្ញុំនិងចូលរួមជួយរាល់សកម្មភាពទាំងឡាយតាមអ្វីដែលខ្ញុំអាចធ្វើបាន ដើម្បីអោយស្ថាប័នមួយនេះមាននាមល្បីល្បាញជាបន្តទៀត។

Видео Jenna Norodom 9 Years Old Cover Tong Tong Cha Remix канала Jenna Norodom Official Music