Xalq artisti yıxıb-sürüdü: “Yekə kişisən, ayıb olsun sənə”

Xalq artisti, tanınmış aktyor Tariyel Qasımov əsəbiləşib.

Yenicag.az-a açıqlama verən aktyor Azərbaycanda filmə çəkilmədiyini deyərək, giley-güzarını da bölüşüb:

“Film yoxdur ki, biz də çəkilək. Seriallara dəvət edirlər, çəkilmirəm. Çünki səviyyəmə uyğun filmlər deyil. Kimsə atasının pulu hesabına rejissor, operator olub, film çəkir. Bir-iki peşəkar dəvət edirlər ki, onların kölgəsində tanınsınlar. Qalanı da küçədən keçən. Qohum-əqrəbasını yığıb filmə çəkir. Baxıb əsəbiləşirəm, buna görə mən də təkliflərə etiraz edirəm. Sabah, birigün tamaşaçı o filmə baxıb məni söyər. Deyər, yekə kişisən, ayıb olsun, o cür möhtəşəm filmlərdən sonra belə səviyyəsiz seriallara çəkilirsən”.

Aktyor bildirib ki, nəhayət, uzun fasilədən sonra Özbəkistanda yeni filmə çəkiləcək:

“Dəfələrlə xarici filmlərə çəkilmişəm. Bu yaxınlarda “Özbəkfilm”in rejissoru Azərbaycanda kastinqlər keçirdi, məni də bəyəndilər. Bir-iki aya Özbəkistanda yeni filmə çəkiləcəm”.

Cəvahir

Yenicag.Az - www.yenicag.az

Видео Xalq artisti yıxıb-sürüdü: “Yekə kişisən, ayıb olsun sənə” канала Yeni Kanal