НАШРИ ВИДЕОИ РАҲПАЙМОИИ “СПЕТСНАЗ” ДАР ФУРУДГОҲИ ХОРУҒ

Дар Интернет видеои раҳпаймоии нирӯҳои вижаи Тоҷикистон дар фурудгоҳи Хоруғ нашр шудааст. Дар ин видео, ки зоҳиран аз ҷониби худи ҷанговарони нирӯҳои вижа сабт шудааст, дида мешавад, ки афроди мусаллаҳи либоси ҳарбӣ дар тан гуруҳ – гурӯҳ аз як пайроҳаи қисман аз барф тозакардашуда дар ҳудуди зери кӯрпаи ғафси барфи ягона фурудгоҳи маркази маъмурии Вилояти Мухтори Кӯҳистони Бадахшон пиёда пешу қафо қадам мезананд.
Ҳеҷ тафсилоте дода нашудааст, ки оё ин ягон тамрини низомист ё ҳамту як қадамзанӣ?
Видеои раҳпаймоии нирӯҳои вижа дар ҳоле нашр шуд, ки сокинони Хоруғ бо нигаронии афзоянда чанд рӯз боз мунтазири шурӯи амалиёти махсус ба зидди Мамадбоқир Мамадбоқиров (Боқир) ва тарафдорони ӯ мебошанд ва ба хотири ҳимоят аз ин лидери ғайрирасмии минтақа навбатдории шабонарӯзӣ ташкил кардаанд. Сокинони Хоруғ мегӯянд, роҳҳое, ки ба тарафи хонаи Боқир дар маҳаллаи Бархоруғ мебаранд, алакай аз маҳаллаи “Хлебзавод” баста шудаанд, то нирӯҳои вижа дар сурати шурӯи амалиёт озодона ба тарафи хонаи Боқир рафта натавонанд.

Видео НАШРИ ВИДЕОИ РАҲПАЙМОИИ “СПЕТСНАЗ” ДАР ФУРУДГОҲИ ХОРУҒ канала Bomdod TV