ដកស្រង់ «នំមិនធំជាងនាឡិ »បទពាក្យ៧ ស្មូតបែប-១៧

៩.នេះបើប្អូនស្ងួននួនខ្លឹមចិត្ត
យើងគួរអាណិតបុត្រភ្ងាប្រិយ
គួរយើងរិះរកនំចំណី
ភោជផលអ្វីៗត្រីសាច់សត្វ។
១០.រួចរើសរកអ្នកជាក់ចេះដឹង
មែនមានដំណឹងបរមត្ថ
ដែលតែងប្រសប់ធ្លាប់តែកាត់
ស្ទំស្ទាត់បែបបទចេះវោហារ។
១១.អធិប្បាយនិយាយខាងចែចូវ
ជាអ្នកនាំផ្លូវតាមដូនតា
ឱ្យទៅស្រដីខាងមេបា
នាងទាវតើថាប្រការម្តេច។
១២.ប្រពន្ធអរជូនជំនូនស្រាប់
ភ្ជុំគ្នាប្រញាប់រាន់រំពេច
យកសព្វភោជផលថ្កល់និងវេច
រៀបរួចស្រាប់ស្រេចត្រេចចរចេញ។
១៣.លីលាយង់លង់ដានដងផ្លូវ
ត្រូវត្រង់មាគ៌ាឃ្មាតខ្មួលខ្មាញ់
ខំស្រូតរូតរះកាត់ត្រោកត្រាញ់
អរញ្ញវាលព្រៃរំពៃយល់។
១៤.ក្រឡេកក្រលៀងឆ្មៀងពីអាយ
ច្បាស់ជានាងម្តាយទាវនិមល
នេះគឺមិនអ្នកដទៃទាល់
ទៅជិតទើបស្គាល់ដល់ជាម្តង។
១៥.នាងនោះស្ទុះឡើងលើគ្រឹះស្ថាន
ប្រមាណត្រូវមាត់ជាដន្លង
ថាអ្នកអញ្ជើញមកប៉ុនប៉ង
បំណាងបំណាច់ត្រាច់ទៅឆ្ងាយ។
១៦.ឬមួយជាមករកយើងខ្ញុំ
សូមសុំប្រសាសន៍សងរ៉ាប់រ៉ាយ
ឱ្យដឹងកិច្ចកលអធិប្បាយ
ចែកចាយកុំលាក់ឱ្យឡើងមក។
១៧.អ្នកទាំងប៉ុន្មានបានដល់ផ្ទះ
ម្តាយទាវអរណាស់ទើបរៀបស្ពក
នំដាក់តុស្ពាន់រន្ថាន់យក
ឡើងមកលើផ្ទះសំពះសួរ។

Видео ដកស្រង់ «នំមិនធំជាងនាឡិ »បទពាក្យ៧ ស្មូតបែប-១៧ канала វ៉ាប៊ុណ្ណនី - Varbunny