Şanlı tariximizi yazan - Şah İsmayıl Səfəvi

Şah İsmayıl Səfəvi dedikdə nə gəlir ağlıma?

Şah İsmayıl dedikdə, 1 yaşında yetim, 6 yaşında şeyx, 14 yaşında Şah, ordusunun önündə vuruşan cəngavər sərkərdə gəlir ağlıma.

Şah İsmayıl dedikdə, 14 ildə 14 ölkə, 357 şəhər fəth edən, yoxdan 3.500000 km əraziyə malik olan imperiya banisi gəlir ağlıma.

Şah İsmayıl dedikdə, Azərbaycan ədəbiyyatının və mədəniyyətinin hamisi və şahı gəlir ağlıma.

Şah İsmayıl dedikdə, Dərbənddən Ərəbistan yarımadasına, Sivasdan Əfqanıstan torpaqlarına qədər uzanan BÖYÜK AZƏRBAYCAN gəlir ağlıma.

Şah İsmayıl dedikdə, zamanında əzilən, haqqı və hüququ tapdanan, əsir edilən xalqımın xilaskarı, ümid çırağı gəlir ağlıma.

Şah İsmayıl dedikdə, gecələr ibadət edən, gündüzlər isə xalqının milli, mənəvi, mədəni, siyasi və sosial azadlığı uğrunda vuruşan imanlı mücahid gəlir ağlıma.

Şah İsmayıl dedikdə, öz elinə, öz dilinə qiymət verən, o zamanlar dəbdə olamayan öz ana dili olan Azərbaycan türkcəsini şahlar, sultanlar, xanlar dili edən, dilimizin təəssübkeşi gəlir ağlıma.

Şah İsmayıl dedikdə, dünyanın dörd bir yanından yüz minlərlə insanın sorağına Azərbaycana pənah gətirdiyi Könüllülərin Fatehi gəlir ağlıma.

Şah İsmayıl dedikdə, əsrlərlə Hz Peyğəmbər (s) Əhli-beytinin (ə) boğulan haqq səsini dünyaya bəyan edən Allah aşiqi gəlir ağlıma.

Şah İsmayıl dedikdə, türk, türkman, tərəkəmə boylarının piri, böyüyü gəlir ağlıma.

Şah İsmayıl dedikdə, xalqının onun uğurunda təmənnasız döyüşməyə, ölməyə, öldürməyə hazır olduğu Mürşidi Kamil gəlir ağlıma.

© Video Azad Azərbaycan Televiziyasına məxsusdur.

Видео Şanlı tariximizi yazan - Şah İsmayıl Səfəvi канала Şah İsmayıl Səfəvi