Тамара ДАДАШЕВА - Дахаран миноташ

ДАХАРАН МИНОТАШ

Дахаран цу зовкхе, цхьаьна ца хьийзаш,
Ерзо кхин ницкъ боцу миноташ евли.
ШолгIа кхин луур доцу дегнаш а Iийжаш,
Вай вовшех ца кхеташ, шераш а девли.

Ас бахац хIинца а тIаьхьа вай дисна:
Ирс кхолла я дайна дегIера гIора.
Амма хьан беснеш тIехь ихначу хиша
Сан корта сирбина, - жима вац дIора.

Делахь а кийча ву, халонаш отуш,
Хьан даг чу боьду некъ даима леха.
Нагахь со хьуна тIе висахь ца кхочуш,
Хаалахь, воьжнийла, хьо лоьхуш, хьехахь.

Хазачу заманахь, вовшийн ган хьоьгуш,
Вайн ерзо ницкъ боцу миноташ юьйлу.
Хьоьца сайн дахаран ирс дозар доьхуш,
Малхаца, баттаца со дагавуьйлу.

Шаид РАШИДОВ

Видео Тамара ДАДАШЕВА - Дахаран миноташ канала neqaho