Қайғылы жағдай! Экстремалды аттракционға отырған 55 азаматтың жүрегі тоқтап қалды

Шымкенттегі Қиял әлемі саябағында экстремалды аттракционға отырған 55 жастағы азамат қаза болды. Алғашқы болжамдар бойынша тұрғынның жүрегі тоқтап қалған. Бірақ әлеуметтік желі қолданушылары марқұмға дер кезінде көмек көрсетілмеді деген пікірді жарыса жазып жатыр. Ал саябақ қызметкерлері өздеріне шаң жуытар емес.
Бүгін түстен бастап, Хаммер деген мына аттракцион қайта іске қосылды. Кеше кешкі сағат 9-дар шамасында тура осы орындықтың бірінде отырған 55 жастағы азамат қайтыс болған. Куәгерлердің бірі марқұмның аттракцион қозғалып тұрғанда көз жұмды десе, енді бірі ойын құралы тоқтаған соң жүрегі ұстаған деп отыр.
ДӘУРЕН ӘБИЕВ, куәгер:
– Сол жерде істейтін баланың өзі айтып отыр, уже сол кезде үзіліп кеткен деп. Ал қасында отырған бала қарама-қарсы отырған ол уже бір айналған кезде-ақ талып қалды дейді ол кісіні.
ОРАЗӘЛІ ЖОРАБЕКОВ, Аға менеджер:
– Негізі аттракцион тоқтағанша отырды. Сол қасындағы клиенттердің бірі айтады, талып қалды, жәрдем беріңіздер деп. Соны ашқанымызша, есінен танып, ммм, өзі құл бұлғап, қасындағы бала да шақырды, есін жинай алмай жатыр, талып қалды деп.
Оқиғаның барысы бастан аяқ мына бейнебақылау камерасына жазылған, бірақ саябақ әкімшілігі оны беруден бас тартты. Айтуларынша, ойын құралы 5-6 жылдан бері пайдаланылып келеді. 14 жастан жоғары ересектер жас ерекшелігіне қарамастан аттракционда отыруға рұқсат. Бірақ алдын ала денсаулығында кінәраты барларға ескертеміз дейді.
ЕРБОЛАТ ТӨЛИЕВ, Саябақ әкімгері:
– Ана жерде у-шу болмау мақсатында халыққа ескертпедік жағдайды. Сомен уақытты созуға тура келді. Ол кісінің өзі астма ауруы бар екен.
Қазір полиция оқиға бойынша іс қозғаған.
МӨЛДІР БЕКЕЕВА, Шымкент қаласы Полиция Департаментінің ресми өкілі:
– Бастапқы медициналық анықтамаға сәйкес, жүрегі тоқтап, қайтыс болғандығы бойынша тергеп-тексеру амалдары жүргізілуде. Қазіргі таңда сот-медициналық сараптамасы тағайындалды.
Саябақ басшылығының айтуынша, қазір мұнда 28 аттракционның төртеуі осындай экстремалды ойынға арналған. Оларда медициналық қобдишалар бар. Бірақ ондағы нұсқаушылардың медициналық білімі бар-жоғы белгісіз.
Мақсат Жақсыбайұлы
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ҚиялӘлемі #аттракциондағы_ажал #Шымкент

Видео Қайғылы жағдай! Экстремалды аттракционға отырған 55 азаматтың жүрегі тоқтап қалды канала Информбюро 31