İSMAYILLI Rayonu LAHIC Qəsəbəsi | 18.10.2019-cu il Tarixdə DOSTLARI Ziyarət _ Full-HD.mp4

#AzərbaycanıTanıyaq

Abunə olun:
https://www.youtube.com/channel/UCv8LLp8kHcqiR1HH9z5r5vA

Facebook: https://www.facebook.com/xeber.var.75

Instagram: https://www.instagram.com/shuduq_tv

Lahıc — Azərbaycan Respublikasının 
İsmayıllı rayonunun inzibati ərazi vahidində qəsəbədir.
Tarixi və coğrafiyası:
- İlk məlumat - VII əsrdə;
- Sahəsi - 0,8 km²
- Mərkəzin hündürlüyü - 1.215 m;
- Saat qurşağı - UTC + 04:00;
- Əhalisi - 837 (2009) nəfər;
- Poçt indeksi - AZ3123;
- Nəqliyyat - kodu 31.

Lahıc XVIII-XIX əsrlərdə Azərbaycanın misgərlik və silah istehsalı mərkəzlərindən olub. Lahıc ustalarının misdən hazırladıqları, mürəkkəb və incə naxışlarla bəzədikləri dolça, satıl, sərnic, məcməyi, sərpuc, güyüm, aşsüzən, kəfkir, kasa, cam, qazan, çıraq və sair məmulatlar Orta Asiyada, Dağıstanda, 
Gürcüstanda, İranda, Türkiyədə və digər yerlərdə tanınıb.
1980-ci ildən muzey-qoruğa çevrilmiş Lahıcda həmin illərdən yadigar qalan məhəllə məscidləri, su kəməri və kanalizasiya (kürəbənd), Girdiman qalası qayğı ilə qorunur, sənətkarlıq ənənələri davam və inkişaf etdirilir.
Burada yaşayıb-yaratmış misgərlərin, zərgərlərin, sərracların, ahəngərlərin, dülgərlərin, xalçaçıların,həkkakların, nəqqaşların, dabbaqların, çəkmə və çarıq tikənlərin, və s. ustaların yaratdıqları maddi-mədəniyyət nümunələri hal-hazırda da dünyanın ən məşhur muzey və kolleksiyalarının ekspozisiyalarını bəzəməkdədir.
1717-1718-ci illərdə usta Nəcəfqulunun düzəltdiyi samovar mütənasibliyi, formasının gözəlliyi, üzərindəki bəzəkləri ilə şöhrət qazanıb. XIX əsrin ortalarında Lahıcda 200-dək misgərlik emalatxanası fəaliyyət göstərib. Lahıc ustaları odlu (tüfəng, müxtəlif tipli tapançalar və sair) və soyuq (xəncər, beybut, qılınc, bıçaq və sair) silah hazırlamaları ilə də tanınırlar. Bu silahlar ornamentlərlə bəzədilir, onlara sənətkarların möhürü vurulurdu.
Qəsəbə Azərbaycanın şimalında, Böyük Qafqaz sıra dağlarının cənub yamacında dəniz səviyyəsindən 1505 m hündürlükdə yerləşir. Lahıc Girdiman çayının sahilində yerləşməklə Babadağ və Niyaldağ silsilələri ilə əhatə olunur və ona təbii qala şəraiti bəxş edir. Belə bir coğrafi məkan qədim zamanlarda Lahıcın xarici təsirlərdən, basqınlardan yaxşı müdafiə olunması üçün imkan yaratmışdır.

Lahıclar:
Tatların bir qolunu təşkil edib,
sənətkarlıqla məşğul olan, Lahıc (eləcə də Ərəgit) ərazisində yaşayan yerli əhalidir

Tanınmış şəxsiyyətlər:
*Manaf Süleymanov - yazıçı, nasir, tərcüməçi, Azərbaycan Respublikası Əməkdar Mədəniyyət Xadimi
*Əli Bayramov - inqilabçı
*Şövkət Səlimova - İlk Azərbaycanlı qadın gəmi kapitanı.

Şəhidləri:1
1. Ayaz İbrahim oğlu Əliyev 1974-20.01.1993
2. Əkrəm Abbas oğlu Abbasov 1969-18.02.1994
3. Nizami Ağa oğlu Hüseynov 1966-28.12.1993
4. Tələt Əsgər oğlu Kazımov 1969-24.06.1992
5. İmran Cəfər oğlu Mirzəyev 1972-01.01.1994
6. Şəhriyar Seyidulla oğlu Nuriyev 1972-08.11.1993
7. Rəhman Hacı oğlu Nəcəfov 1962-26.01.1992

Abidələri:

Lahıc qəsəbəsinin ən möhtöşəm abidəsi Girdiman çayının sahilindəki 72 otaqlı, 3 mərtəbəli Hacı Paşa evidir. Bu ev XVIII əsrin ortalarında 14 il müddətində, Lahicın memarlıq üslubunun bütün komponentləri nəzərə alınaraq inşa olunmuşdur. Binaya giriş iki tərəfdən mümkündür: Bədəvan məscidi (bu məscid də xeyriyyəçi Hacı Paşanın şəxsi vəsaiti hesabına inşa olunub) tərəfdən, ikincisi Girdiman çayının sol sahili istiqamətdən.Bu binanı Lahıc camaatı "Hacılar həyəti" də adlandırırlar.
Lahıc Tarix-Mədəniyyət qoruğu elan olunduqdan sonra Hacı Paşa evi dövlət tərəfindən qorunan abidələrin siyahısına (səhvən Hacı Qurban evi kimi) daxil edilmiş, lakin bu möhtəşəm tarixi abidənin qorunub saxlanılması ücün heç bir iş görülməmişdir. İldən-ilə bu tarixi abidə baxımsızlıqdan uçub-dağılır.
Lahıca gələn istər yerli olsun, istər də xarici turistlər olsun, bu qədim abidəyə baxmamış buranı tərk etmirlər.

Видео İSMAYILLI Rayonu LAHIC Qəsəbəsi | 18.10.2019-cu il Tarixdə DOSTLARI Ziyarət _ Full-HD.mp4 канала HerŞey DaHil