SOS:Көмек бересіз бе? «Жаңа қадам»

Көше бойында құлап жатқан бір адамды көрсеңіз не істер едіңіз? Бәлесінен аулақ деп, өтіп кетесіз бе, әлде мейірімділік танытасыз ба?
Әрине, өз өмірін қатерге тігу –кез келгеннің қолынан келе бермейтіні де рас. Бірақ, ел ішінде жанын шүберекке түйіп, небір батыл қадамға барған жандар да аз емес.
Сын сағатта сырт қалмау үшін мамандығың міндетті түрде «құтқарушы» болу керек деген қағида жоқ. Олар әр түрлі сала қызметкерлері болуы мүмкін. Тіпті айтып келмейтін апатта адамдарды өлімнен арашалап қалған балалар да бар. Осы адамға мейірімділік танытып, өз өмірін қатерге тігіп, өзгені құтқарып қалатын ерекше бір адами қасиет ана сүті, әке қанымен дари ма? Жоқ, оны жүре келе қалыптастыруға бола ма? Ең қауіпті тілсіз жаудың арасына басқа жанды құтқаруға кіру үшін қандай батылдық, қандай мінез керек? Бұл жерде тәрбие рөл ойнауы да мүмкін бе? Бүгін студияға келген кейіпкерлеріміз адам өміріне қауіп төнген уақытта еш кідірместен құтқаруға бел буғандар. Адам өмірін арашалап қалған сәтті оқиғалар көп. Жалпы қоғамда бейтаныс адамға көмек беру дегенде ең алдымен үрей бойға ұялайды. Әрі қарай адам таңдауы бойынша екі топқа бөлінеді. Бірі сеніп көмектеседі, ендігісі сенбей, өтіп кетеді. Ғаламторды ашсақ, «көмектесемін деп басым бәлеге қалды. Көмек сұрап, өзімді алдап кетті. Тепкінің астында қалған баланы қорғаймын деп, ақыры өзімді күдікті етті» деген пікірлер көп. Осындай оқиғамен тұспа-тұс келдіңіз бе?

Видео SOS:Көмек бересіз бе? «Жаңа қадам» канала EL ARNA