Xornada "O libre albedrío"

Cando pensamos qué nos deparará a ciencia do futuro, ineludiblemente aparece a abordaxe do cerebro humano como unha das últimas fronteiras do coñecemento. Incógnitas como a orixe de conciencia, a creación da mente, o modularidade da memoria ou a percepción da contorna xorden como preguntas motivadoras e, á vez, elusivas.

Sabemos que a neurociencia non é un compartimento estanco que se nutre exclusivamente de seu, senón que estende o seu coñecemento de forma recíproca con moitas disciplinas en ámbitos tan variados como a arte, a economía, as ciencias, a filosofía ou o dereito. Neste sentido, hai dous problemas fundamentais da neurociencia que a entroncan coa xustiza e que serán obxecto de análise nestas xornadas.

O primeiro refírese ao entendemento dos mecanismos da toma de decisións e se ese proceso é consciente, voluntario e está influído polas emocións. Cando decidimos, facémolo de forma voluntaria, racional e optimizando as consecuencias? Pódese falar de decisións libres ou estamos abocados a un neurodeterminismo?

O segundo céntrase nunha parte nuclear da neurociencia, a capacidade do cerebro de cambiar adaptándose ao medio para ser máis eficiente, que se coñece como plasticidade cerebral: aprendemos todos os días, modificamos as nosas memorias ou respondemos ante unha lesión cerebral para recuperarmos as funcións danadas. Os avances científicos agroman novas alternativas para actuar e mellorar a plasticidade cerebral, coa intención de axudar aos pacientes e curar múltiples patoloxías. Porén, que ocorre cando eses procedementos se utilizan en individuos sans? É eticamente correcto mellorar a capacidade cognitiva dalgúns individuos? É lícita a selección xenética para crear superhumanos? A superintelixencia, é humana ou mellor que humana?

PONENTES
Jose María Delgado.
Catedrático de Neurociencia.
Universidade Pablo Olavide (Sevilla).

Jesús Conill.
Catedrático de Filosifía moral.
Universidade de Valencia.

Daniel González Lagier.
Catedrático de Filosofía do Dereito.
Universidade de Alacante.

Видео Xornada "O libre albedrío" канала Fundación Paideia Galiza