«Назарбаев Зияткерлік мектептері» дербес білім беру ұйымы педагогтің кәсіби стандартын әзірледі

ҚР Оқу-ағарту министрлігінің тапсырмасына сәйкес 2022 жылдың наурыз-шілде айлары аралығында «Назарбаев Зияткерлік мектептері» дербес білім беру ұйымы «Педагогтің» кәсіби стандартын әзірледі.

Бастапқы кезеңде Педагогикалық шеберлік орталығы «Педагогтің» кәсіби стандарттарын (Эстония, Сингапур, Австралия, Ұлыбритания, Канаданың Онтарио провинциясы, Шотландия) әзірлеудің халықаралық тәжірибесін зерттеді.

Бұл жұмыс Ұлттық білім беру жүйелеріне оң әсерін растайтын кәсіби стандарттарға сәйкестіктің негізгі критерийлерін анықтауға мүмкіндік берді.

Қолданыстағы кәсіби стандартты қайта қараудың негізгі бағыттарын айқындау үшін жалпы үрдістер мен айырмашылықтар, мұғалімге қойылатын талаптардың ерекшеліктері тұрғысынан қолданыстағы қазақстандық «Педагогтің» кәсіби стандарты мен шетелдік стандарттарға салыстырмалы талдау жүргізілді.

Келесі кезеңде Педагогикалық шеберлік деңгейлері бойынша құзыреттердің негізгі топтары мен оларды меңгеру деңгейлерін: жаңадан бастаған мұғалімнен шеберге дейін педагогтің негізгі құзыреттілік шеңбері әзірленді.

«Педагогтің» кәсіби стандартын әзірлеу Канада, Финляндия, АҚШ және Жапонияның халықаралық сарапшыларының қатысуымен жүргізілді. Олар кеңес беру, оқу материалдарын таңдау, жұмыс тобы әзірлеген құжаттар бойынша кері байланыс түрінде қолдау көрсетті.

Видео «Назарбаев Зияткерлік мектептері» дербес білім беру ұйымы педагогтің кәсіби стандартын әзірледі канала Педагогикалық шеберлік орталығы | ЦПМ