Ինչ է Ցույց Տալիս Կորոնավիրուսը և Ինչպես Ապրել

Նկատեք, որ այս վիրուսը կոչվում է Քորոնավիրուս (Թագավարակ): Սա պետք է մարդուն գոնե մտածել տա, թէ ո՞վ է քո թագը, ո՞վ է քո գլխավորը: Մարդը աշխարհի վրա այնքան է հպարտացել, որ իրեն Աստված է կարծում: Բայց մի փոքր թագակիր վիրուսը պարալիզացրել է աշխարհի ընթացքը: Եվ Աստված արտոնում է սա: Մինչև մենք սա չհասկանանք, չենք կարող հաղթահարել փորձությունը: Թեկուզ սա հաղթահարենք, հաջորդն ավելի մեծ կլինի:

Դու ասում ես Աստված չկա ու քեզ Տեր ես կարծում: Կամ դու ասում ես Քրիստոնյա ես, բայց քո թագը քո ցանկություններն են, քո թագը քո ինքնահավան ԵՍն է: Եվ մենք տեսնում ենք, որ մի ավելի մեծ ուժ ոչնչացնում ես այս հպարտությունը, ոչնչացնում է քո ԵՍ-Թագը ու քեզ ասում «խելոք տեղդ նստի»:

Լավ: Ի՞նչ անել:

Դարձեք Քրիստոսին: Մի՛ անտեսեք:

Աշխարհն էլ նույնը չի լինելու:

Աստվածաշունչը դուրս հանեք պահարանից ու կարդացեք 4 Ավետարանները: Ծանոթացեք ձեր քահանայի հետ ու հարցեր տվեք: Ասեք «Տեր հայր ինչի՞ց սկսեմ»: Շատ աղոթեք:

Առաջ կգրեի թէ Պատարագի գնացեք, որ հաղորդվեք Քրիստոսի հետ: Բայց հիմա դա էլ վերցվեց ձեզանից:

Գնալով դժվարանալու է սուրբ կյանք ապրելը, բայց փրկության հնարավորությունները եվ սեփական ԵՍը փշրելու հնարավորությունները շատանալու են: «Որովհետև, ուր որ մեղքը շատացավ, շնորհն առավել ևս շատացավ» (Հռ 5:20):

Խնդրում եմ զինվեք Քրիստոսով: Կիսեք այս բաները ձեր էջերին: Հերիք է անիմաստ ինքնահավան սելֆիներ տարածեք: Ձեր թագը փշրվելու է: Բարի բաներ տարածեք: Լույս տարածեք: Քրիստոսի մասին խոսեք: Գնալով դժվարանալու է ամեն ինչ:

Փնտրեցեք Աստծուն և ձեր հոգիները կփրկվեն (Սղ. 68:33): Սիրելի Քրիստոնյա հայրենակիցներ: Թող մեր Տեր Քրիստոսը լսի մեր բոլորի աղոթքները, օգնի ամեն մեկիս ապաշխարել ու հաղթահարել այս փորձությունը:

Դուք էլ ետ մի դարձեք ձեր հին ճանապարհներին ու ապրելակերպին:

Դանդաղեք ու նայեք ձեր ներսը: Տեսեք ի՞նչ կա որ հակառակ է Քրիստոսի պատվիրաններին: Փոխեք դա: Ու կփոխվի ձեր կյանքը:

Մարդիկ հիմա ավելի շատ տագնապից ու անորոշությունից են վախենում քան Կորոնավիրուսից: Դուք Քրիստոսին դարձեք, իր խոսքը սովորեք ու կատարեք և վախը կանցնի: Սուրբերն ասում են, որ հիվանդությունները մարդուն խոնարհեցնելու համար են:

Դուք կամավոր խոնարհվեք ու հաճելի դարձեք Աստծուն՝ իր Խոսքը պատվելով: Եվ մի գուցե այսպիսի փորձություն չի գա մեր վրա ու Քրիստոսի հետ կյանք կունենանք:

Սիրեք իրար, համբերեք իրար, դիմացեք ու իրար բեռը կրեք: Սա դժվար է, բայց Քրիստոսն օգնում է: Մենք որբ չենք: Երկնքում սիրող Հայր ունենք: - Խնդրում եմ պատմեք մարդկանց այս մասին: Միայն կոռուպցիան վերացնելով մեր կյանքը չի փոխվի, մենք պետք է բարիանանք: Աստված օգնական բոլորիս:

#Կորոնավիրուս

Видео Ինչ է Ցույց Տալիս Կորոնավիրուսը և Ինչպես Ապրել канала Armen Hareyan