გარდაბნის ხუთი სოფლის წყალმომარაგების პროექტი

გარდაბანში მასშტაბური წყალმომარაგების პროექტი დასრულდა.

სოფელ კუმისის, ზემო თელეთის, ქვემო თელეთის, ახალწყალის, წალასყურისა და მუხრან-თელეთის წყალმომარაგების სისტემის სამშენებლო სამუშაოები დასრულდა და მოსახლეობა 24 საათიანი უწყვეტი წყალმომარაგებით სარგებლობს.

ქვემო ქართლში სახელმწიფო რწმუნებული გიორგი დოხტურიშვილი გარდაბნის მუნიციპალიტეტის მერ დავით კარგარეთელთან, საქართველოს გაერთიანებული წყალმომარაგების კომპანიის დირექტორთან ალექსანდრე თევდორაძესთან და ადგილობრივ მოსახლეობასთან ერთად ადგილზე გაეცნო სოფელ კუმისის, ზემო თელეთის, ქვემო თელეთის, ახალწყალის, წალასყურისა და მუხრან-თელეთის წყალმომარაგების ისტორიული პროექტის დასრულებას.

მასშტაბური პროექტის ფარგლებში, პირველად მოხდება აღნიშნული სოფლების წყალმომარაგებით უზრუნველყოფა, რომლის ფარგლებშიც 24 საათიანი უწყვეტი წყალმომარაგებით 7000-მდე ბენეფიციარი ისარგებლებს. პროექტის სრული ღირებულება 9 389 261 ლარია.

პროექტის ფარგლებში გათვალისწინებული იყო: მაგისტრალური მილსადენის, წყალმომარაგების ქსელის, რეზერვუარის, სატუმბი სადგურისა და წყალმზომი კვანძის მოწყობა.

ასევე, აქტიურ ფაზაშია შესული ნორიო-მარტყოფის წყალმომარაგების პროექტის მიმდინარე სამუშაოები, რომელიც მოიცავს გარდაბნის მუნიციპალიტეტის ხუთი სოფლის: ნორიოს, მარტყოფის, ახალსოფლის, ახალი სამგორის და ვაზიანის უწყვეტ წყალმომარაგებას. პროექტი, რომელსაც საქართველოს მუნიციპალური განვითარების ფონდი აფინანსებს მესამე, დასკვნით ეტაპზეა გადასული და მაქსიმუმ ერთ წელში მოსახლეობა 24 საათიანი უწყვეტი წყალმომარაგებით ისარგებლებს.

იფრასტრუქტურული პროექტის მიმდინარეობის პროცესს რწმუნებულთან ერთად ადგილზე გაეცნო მისი მოადგილე ილია ჯალაღანია, რუსთავისა და გარდაბნის ათი თემის მაჟორიტარ-დეპუტატი, ირაკლი შატაკიშვილი და ადგილობრივი ხელისუფლების წარმომადგენლები.

Видео გარდაბნის ხუთი სოფლის წყალმომარაგების პროექტი канала ქვემო ქართლში სახელმწიფო რწმუნებულის ადმინისტრაცია