Халқының жартысынан көбін мүгедектер құрайтын елдімекен емханасыз қалғалы тұр

Шымкентте бүтіндей бір елдімекен емханасыз қалудың алдында тұр. Халқының 60 пайызын мүгедектер құрайтын Достық шағын ауданының жұрты енді қайда барып ем-дом қабылдарын білмей дал болып жүр. Осы күнге дейін 15 мыңға жуық тұрғынға қызмет көрсетіп келген емдеу мекемесі шалғай аумаққа көшірілетін болыпты. Себеп, үш жылдан бері жалға алынған емхана ғимаратын өзге компания пайдалану үшін тендерден ұтып алған. Қоларба мен балдаққа таңылған азаматтардан бөлек, қалың қауым да бұған үзілді-кесілді қарсы.
Халиш Иманбайұлы туа бітті сал ауруына шалдыққан. Екінші топтың мүгедегін алған азамат әрең қозғалады. Ем-дом қабылдап жүрген емханасының шалғай аумаққа көшірілетінін естігенде есеңгіреп қалдым деген ол, басшылардың әлсіз топ үшін бас қатырмайтынына көзім жетті деп налиды. Алыстағы емханаға бару үшін жәрдемақым жолақысына кететін болды деп ашулы.
ХАЛИШ ИМАНБАЙҰЛЫ, ІІ топтағы мүгедек:
– Таксидің өзі, ана жаққа барудың өзі мың теңге дейді. Ана жаққа барасың, тұрасың. Ана жақтан мына жаққа келу үшін 2 мың теңге кетеді. Ақшаның құны жоқ қой. Біздің әкімшілік қайда қарап отыр? Мына поликлиниканы қалдыру керек қой.
ЖҰМАГҮЛ ҮСЕНБЕКОВА, Достық шағын ауданының тұрғыны:
– Біз тыныш отырған халық. Неге отырған жерімізде түрткілектеп тиісіп, тұрғызады, оятады. Жетісіп жүрміз ба? Бұл әкімдер келіп, әп деп тонап, жеп кеткенге келеді ма халықты.
Қалың қауымның бұл шағымынан емхана басшылығы да қанық. Бірақ келісімшарт мерзімінің өтуіне байланысты көшуге тура келіп отыр. Әйтсе де, ешқандай ескертусіз емдеу мекемесі жұмысын тоқтатсын дегенді дәрігерлер де түсінбей дал.
ҚАЙРАТ СЕРІКҰЛЫ, Емхана директоры:
– 15 мыңға жуық население бар. Оның 50 пайызға жуығы мүгедектер және әлеуметтік аз қамтылған отбасылар. Достық шағынауданының тұрғындары талабымен медициналық қызмет көрсетіп жалғастырып келеміз. Бұл кісілерге орталық мекемеге жету әрине қиын соғады.
Жауаптылардың айтуынша, осыдан үш ай бұрын өзге медициналық мекеме ғимаратты пайдалану құқығын тендермен алған. Бірақ оның елдімекендегі тұрғындарға қызмет көрсетуге құжаты жоқ болып шыққан. Өйткені тиісті басқармадан мемлекеттік медициналық тапсырыс алмаған. Бірақ біз қалай да шешімін қарастырып жатырмыз деді жауаптылар.
АЙГҮЛ БЕКБАУОВА, Шымкент қалалық Денсаулық сақтау басқармасы бастығының орынбасары:
– Учредитель мен басшыларды шақырып, ортақ келісімшартқа келуге шешім қабылдап жатыр.
Ал мәселе шешілмесе, Достықтағы қалың қауым әкімдіктің алдына жиналмақ.
Мақсат Жақсыбайұлы
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Шымкент #емханасыз_халық

Видео Халқының жартысынан көбін мүгедектер құрайтын елдімекен емханасыз қалғалы тұр канала Информбюро 31