ТЕЛЕФОНИНГИЗНИ ЁТОҚХОНА ТАШҚАРИСИДА ҚОЛДИРИШ УЧУН БЕШ САБАБ

https://www.youtube.com/foydalifikr

Bellashuv “Telefonsiz yotish”
Smartfoningizni yotoqxonadan tashqarida qoldirish uchun beshta sabab
Insonning psixologik energiyasini akkumulyatorga o’xshatish mumkin. Ertalablari go’yoki to’liq zaryadlangan va keyin kun davomida jismoniy va psixologik toliqish va ko'plab qarorlar qabul qilinganligi sababli asta-sekin susayadi va kun oxiriga kelib bu energiya o'zining minimal chegarasiga etadi. Shu sababli kechga yaqin oddiy qarorlarni, hattoki uxlash to’g’risidagi qarorni qabul qilish ham qiyinlashadi. Shunday vaqtlarda har xil shahvatlarga qarshiligingiz zaiflashadi. Internet ko’ngilochar va qiziqarli muhit bilan ta'minlaydi, sizdan talab qilinadigan narsa, maqsadsiz sahifalarni ko'zdan kechirishdir. Shunchaki barmog’ingizni ekran bo’ylab harakatlantirasiz, go’yoki siz telefonni boshqarasiz lekin aslida telefon sizni boshqaradi. Nihoyat charchab uxlab qolguningizgacha ancha vaqt o’tadi va juda ko’p vaqtingiz behuda ketadi.
Bu vaqtda Shahvatlarga bo’lgan qarshilik zaifligi tufayli har xil axloqsiz narsalarni ko’rish ehtimoli boshqa vaqtlarga qaraganda yuqori bo’ladi. Bundan tashqari, yolg'iz qolganingizda, shayton sizni yo'ldan ozdirishi osonroq bo'ladi. (aslida kimligingni yolg’iz qolganingda bilasan deb bejizga aytishmaydi)
Yotoq xonasi hordiq va xotirjamlik uchun mo'ljallangan. Internet esa bizning e'tiborimizni jalb qiladi va chalg’itadi, u sababli biz osoyishtalik onlarini boy beramiz va ko’pincha uyqudan oldingi zikrlarni unutib qo’yamiz.
Katta xatolardan biri shundaki, ko’pchiligimiz uyg’onib qiladigan birinchi ish telefonimizga kelgan xat va xabarlarni tekshirish va ularga javob berishdir! Uyg’onganimizda psixologik va aqliy faolligimiz cho'qqisiga yetgan bo’ladi, shuning uchun bu fursatni malakalaringizni oshirish, yaxshi odatlarga o’rganish, foydali narsalarni o'qish va tadqiq qilish kabi eng chiroyli tarzda sarflang.
Kech uxlash bizni erta turishimizga imkon bermaydi va bizni yetarlicha uyqudan mahrum qiladi, shuning uchun charchagan holda uyg'onamiz. Ko’p hollarda bu hatto bamdodga uxlab qolishga ham sabab bo’ladi. Natijada kun unumsiz va barakasiz o’tadi.
Payg'ambarimiz (sallallahu 'alayhi vasallam) ning hadislarini eslang:
Payg'ambarimiz (s.a.v): (Mazmuni) "Alloh ummatimga (kunning) birinchi soatlarni barakali qildi" (Ahmad) rivoyati
Ehtimol, boshida bu odatdan voz kechish qiyin bo’lar, lekin natijada hayotingiz yengillashishini yodda tuting. Bu muhim va foydali ekanligiga ishonchingiz hosil bo’lsin. Bu fikr oddiy bo’lib ko’ringani bilan bu buyuk dunyoni ochadigan kalitlardan kichik bir kalitdir.

Sizni telefondan chalg’itishi, foydali bilimlarga ega bo’lishingiz va yangi, yaxshi odatga o’rganishingiz uchun, yotishda telefon o’rniga kitob o’qishni maslahat beraman. Eng muhim maslahat - bu odatni sizni kuzatib, siz bilan bellashadigan odam bilan birga o’rganing. Esdan chiqarib qo’ymaslik uchun bu videoni qayta-qayta ko’rib chiqishingiz mumkin.

Foydali videolarni birinchilardan bo’lib ko’rish uchun Kanalga obuna bo’lib qo’ng’roqchani bosib qo’ying. Videolar bilan do’stlaringiz bilan bo’lishing, agar shu sababli bir odam ijobiy tomonga o’zgarsa sizga ham savob bo’ladi.

https://parvoza.ru/ - энг арзон авиабилетлар

Видео ТЕЛЕФОНИНГИЗНИ ЁТОҚХОНА ТАШҚАРИСИДА ҚОЛДИРИШ УЧУН БЕШ САБАБ канала FOYDALI FIKR