«Կիրակնօրյա վերլուծական Թամրազյանի հետ», 29-ը մարտի, 2020

Այսօր՝ «Կիրակնօրյա վերլուծական» հաղորդման եթերում.

• Հայաստանում կորոնավիրուսից մահվան երրորդ դեպքն է արձանագրվել։ Դեպքերի թիվը հասել է 424-ի։

• Հաղորդման հյուրն է բժիշկ-համաճարակաբան, Երևանի պետական բժշկական համալսարանի համաճարակաբանության ամբիոնի ավագ դասախոս Արման Բադալյանը։

• Հայաստանում կորոնավիրուսն ընդլայնում է աշխարհագրությունը։ Ինչպես է կյանքը կարանտինում Լոռու և Շիրակի մարզերում։ Պատմում են մեր թղթակիցները։

• Համաճարակային արտակարգ ռեժիմն ինչպես կանդրադառնա հայաստանյան տնտեսության վրա և ինչ քայլեր են հարկավոր այն հաղթահարելու համար։ Թեմայի շուրջ զրուցելու ենք տնտեսագետ, Կենտրոնական բանկի նախկին նախագահ Բագրատ Ասատրյանի հետ։

• Արցախում համապետական ընտրությունները չեն հետաձգվի։ Այս պահի դրությամբ Արցախում կորոնավիրուսով վարակվածության դեպք դեռ չի արձանագրվել։

• Ռուսաստանում կորոնավիրուսի հետևանքով մահացել է ութ քաղաքացի։ Վարակվածների թիվը գերազանցում է 1500-ը։ Երկրում տիրող իրավիճակի մասին կմանրամասնի Մոսկվայի մեր թղթակիցը։

• Ցավալի լուր Ֆրանսիայից։ Կորոնավիրուսով վարակման հետևանքով 75 տարեկան հասակում մահացել է ֆրանսահայ քաղաքական գործիչ, Օ դե Սեն դեպարտամենտի խորհրդի նախագահ Պատրիկ Դևեջյանը։

Կիրակնօրյա վերլուծականն այսօր՝ ժամը 20:00-ին, Հրայր Թամրազյանի հետ:

Դիտեք «Ազատություն» TV-ի եթերում՝ Ucom ցանցի 222 ալիքով, http://tv.azatutyun.am/ հասցեով կամ մեր ֆեյսբուքյան և յութուբյան էջերով:

Видео «Կիրակնօրյա վերլուծական Թամրազյանի հետ», 29-ը մարտի, 2020 канала Ազատություն