Əsas xəbərlər 14.04.2021 (Musa Media)

"Ümumiyyətlə biz toy deyəndə Azərbaycanda ənənəvi toy üslubunu nəzərdə tutmuruq. Son illərdə keçirilən toylar şadlıq evlərini doydurmaq üçün bir vasitə idi. Bu isə əslində insanların soyulma mexanizmi kimi anlaşılır".
Bu sözləri Milli Məclisin deputatı Fazil Mustafa "AzTV"-nin efirində yayımlanan "Çıxışa doğru" proqramında qonaq olarkən deyib.
O bildirib ki, bu mövzuda vətəndaşlar da bir az şöhrətpərəstdir:
"Onlar öz maraqlarına uyğun olaraq toy məclisinə ailə sütunun qurulması kimi deyil, göstəriş məqsədi kimi yanaşırdılar. Çalışırdılar imkanları daxilində, hətta imkanlarından da artıq səviyyədə insanları təəccübləndirəcək toy məclisləri keçirsinlər. Lakin bu gün biz bu modeldə toylardan, yanaşmadan danışmırıq. Sadəcə bir ailənin qurulmasından söhbət gedir ki, bu demoqrafik, sosial problemdir. Bunu qadağa ilə həll etmək olmaz. Bizim yanaşmamız odur ki, 10, 20, 30 ya 50 nəfərlə olsun toyların keçirilməsinə icazə verilməlidir. Bu qadağalara sərt şəkildə əməl olunmasına nəzrət olunsa bəs edir. Amma toyları birbaşa qadağa etmək gələcək demoqrafik problemlərə, sosial narazılığa, ailəiçi münaisbətlərin pozulmasına yol açacaq.
Bunu statistik faktlara əsaslandıra bilriik. 2020-ci ildə bağlanan 35 min nikahın 14-15 mini boşanma ilə yekunlaşıb. Bu ümumi rəqəmin üçdən biri deməkdir. Bu da cəmiyyətdə sosial problemlərin yaranması deməkdir. Odur ki, mənim təklifim odur ki, ofisiant, müğənni, xidmətçi də daxil və s. hər kəs daxil olmaqla ümumilikdə 30-40 nəfərdən ibarət toylara icazə verilsin. Bəy və gəlinin adına bankda hesab açılsın və iştirak edə bilməyən şəxslər də ailənin təməlinin qoyulmasına dəstək olmaq istəyirlərsə, gedib pul köçürürlər. Belə baxanda toyda da iştirak etmiş sayılırlar. Onsuzda Avropada kartla alış-verişə tam keçilib, amma biz hələ də cibimizdə pulu hiss etməliyik. Koronavirus bir bəladır gəlib, amma bu bəlaya görə tam qadağa edəndə böyük narazılıq yaranır. Qadağan etmək olmaz. Qaydalara sərt formada riayət edilməsinə diqqət olunmalıdır. İnsanları evinə qapadıb, işləmələrinə mane oluruqsa gərək onların maddi təminatını verməliyik. Bunu etmək üçün böyük imkanımız yoxdursa, o zaman qadağan etmək olmaz çünki insanlar narazı olacaqdır. Qadağa çıxış yolu deyil, mütləq çıxış yolu tapılmalıdır".
Erməni axtarış qrupları Cəbrayıl rayonu ərazisində bu gün daha 2 erməni hərbçisinin meyitini tapıblar.
Axar.az xəbər verir ki, bu barədə erməni mətbuatı məlumat yayıb.
Bununla da 14 noyabr 2020-ci ildən indiyədək aparılan axtarışlar nəticəsində tapılan erməni əsgər meyitlərinin sayı 1541 olub.
Axtarışlar Azərbaycan Ordusunun icazəsi ilə aparılır.
Azərbaycanda bu gün koronavirus infeksiyasına 2 457 yeni yoluxma faktı qeydə alınıb, 2002 nəfər müalicə olunaraq sağalıb və evə buraxılıb.
Axar.az xəbər verir ki, bu barədə Nazirlər Kabineti yanında Operativ Qərargah məlumat yayıb.
Son sutkada 34 nəfər COVID-19-dan vəfat edib.
İndiyədək ölkədə ümumilikdə 289 601 nəfərin koronavirus infeksiyasına yoluxması faktı müəyyən edilib, onlardan 253 762 nəfər müalicə olunaraq sağalıb, 3 978 nəfər vəfat edib. Aktiv xəstə sayı 31 861 nəfərdir.
“Rəsmi Bakı “DQR” ərazisində səlahiyyətindən istifadə edə bilmir. Orada “yerli səlahiyyətli orqanlar” fəaliyyət göstərir və Azərbaycan bu ərazidə heç bir prosesə nəzarət etmir. Bu problem 2 həftə ərzində həll edilə bilməz, ancaq bunu müzakirə etmək və ya bunun üçün bir formata sahib olmaq həqiqətən lazımdır. Gec-tez bunu etmək lazım gələcək”.
Yenisabah.az “Gazeta”ya istinadla xəbər verir ki, bunu Moskva Dövlət Beynəlxalq Münasibətlər İnstitu (MQİMO – MDBMİ) Avrasiya Araşdırmalar Mərkəzinin baş elmi işçisi Vadim Muxanov bildirib.
Ekspertin sözlərinə görə, digər bir problem mövcud vəziyyətdə Ermənistan cəmiyyətinin İrəvanla Bakı arasında mövcud bəyanata düşmən münasibət göstərməsidir və buna görə yeni müqavilənin müzakirəsi sual altındadır.
Vadim Muxanov qeyd edib ki, hazırkı vəziyyətdə İrəvan çox şeyə arxalana bilməz. “Ermənistan hakimiyyətinin başqa bir sazişə razı olacağını söyləmək çox məntiqli deyil. Ermənistan Baş naziri Nikol Paşinyan onsuz da siyasi rəqiblərinin hücumunu çətinliklə saxlayır, onsuz da erkən seçki təyin etməli idi, amma üstündə oturduğu kürsü hələ də laxlayır. Odur ki, indi İrəvan Bakı ilə heç bir sazişə razı olmayacaq”.
“Azərbaycan tərəfini, Ermənistanla razılaşma kontekstində, ehtimal ki, “DQR” statusunun yoxluğu da daxil olmaqla, Qarabağ məsələsində bütün məqamlara nöqtə qoyulması maraqlandırır. Yəqin ki, sülh sazişi mövzusunun təbliği yalnız erməni tərəfini qızışdıracaq. Ermənistandakı siyasətçilərin heç biri belə bir saziş bağlamaq üçün gələcəyini riskə atmayacaq”, - deyə ekspert vurğulayıb.

Видео Əsas xəbərlər 14.04.2021 (Musa Media) канала Musa Media